mumbai university | डीडी न्यूज ऑन एअर

November 9, 2025 7:09 PM November 9, 2025 7:09 PM

मुंबई विद्यापीठात “पॉलिमर केमिस्ट्री रिसर्च लॅबोरेटरी” या संशोधन प्रयोगशाळेचं नूतनीकरण

मुंबई विद्यापीठाच्या रसायनशास्त्र विभागात “पॉलिमर केमिस्ट्री रिसर्च लॅबोरेटरी” या संशोधन प्रयोगशाळेचं नूतनीकरण करण्यात आलं आहे. युरोफिन्स या कंपनीच्या उद्योग सामाजिक दायित्व निधीतून, या प्रयोगशाळेत अत्याधुनिक सुविधा कार्यान्वित करण्यात आली आहे. या प्रयोगशाळेमुळे पॉलिमर, बॅटरी सामुग्री आणि अनुप्रयुक्त विज्ञान क्षेत्रातल्या संशोधनाला नवचैतन्य मिळणार आहे.

July 28, 2025 3:23 PM July 28, 2025 3:23 PM

मुंबई विद्यापीठाचा २०२६-२७ वर्षासाठीचा बृहत आराखडा अधिसभेत मंजूर

मुंबई विद्यापीठाचा २०२६-२७ वर्षासाठीचा बृहत आराखडा काल अधिसभेत मंजूर करण्यात आला. या आराखड्यात १५ नवीन बहुविद्याशाखीय कौशल्याधारीत महाविद्यालयं आणि २ पारंपरिक उपयोजित महाविद्यालयं अशी एकूण १७ महाविद्यालयं प्रस्तावित करण्यात आली आहेत. त्याखेरीज मुंबई विद्यापीठाचे विविध विभाग, केंद्रं, शाळा आणि संस्थांना स्वायत्त दर्जा देण्याबाबतचे परिनियम आणि विविध विभाग, संस्था आणि केंद्रातल्या विभाग प्रमुख आणि संचालकांच्या फेरपालटासंदर्भातले परिनियम अधिसभेत मंजूर करण्यात आले. त्याचबरोबर विद्यापीठाचे २०२३...

July 19, 2025 3:37 PM July 19, 2025 3:37 PM

अभियान आणि प्रशासकीय गुणवत्ता पुरस्कारांचं वितरण

मुंबई विद्यापीठाच्या स्थापना दिनाचं औचित्य साधून युनिव्हर्सिटी डिपार्टमेंट रँकिंग फ्रेमवर्क पुरस्कार, प्रशासकीय गुणवत्ता अभियान आणि प्रशासकीय गुणवत्ता पुरस्कारांचं वितरण काल झालं. तसंच उल्लेखनीय कामगिरी करणाऱ्यांचा सन्मानही यावेळी करण्यात आला. डॉक्टर होमी भाभा राज्य विद्यापीठाचे कुलगुरू प्राध्यापक रजनीश कामत यांनी वर्धापनदिन व्याख्यानमालेचं ११वं पुष्प गुंफलं. या कार्यक्रमात उपस्थितांशी संवाद साधताना मुंबई विद्यापीठाचे कुलगुरू प्राध्यापक रवींद्र कुलकर्णी यांनी या विद्यापीठाच्या उत्कर्षासाठ...

July 1, 2025 3:59 PM July 1, 2025 3:59 PM

मुंबई विद्यापीठाशी संलग्नित महाविद्यालयातील प्रवेश प्रक्रियेसाठी १० जुलै २०२५ पर्यंत मुदतवाढ

राष्ट्रीय शैक्षणिक धोरणाच्या अंमलबजावणीच्या अनुषंगानं मुंबई विद्यापीठाशी संलग्नित महाविद्यालयं, स्वायत्त महाविद्यालयं आणि मान्यताप्राप्त शिक्षण संस्थामध्ये २०२५-२६ या शैक्षणिक वर्षात राबवण्यात येणाऱ्या प्रथम वर्ष पदवी अभ्यासक्रमांच्या प्रवेश प्रक्रियेसाठी १० जुलै २०२५ पर्यंत मुदतवाढ दिली आहे. याआधी २७ जून ही अंतीम तारीख होती. कुणीही विद्यार्थी प्रवेशापासून वंचित राहू नये, यासाठी मुंबई विद्यापीठानं ही मुदतवाढ दिल्याचं म्हटलं आहे.

June 5, 2025 6:28 PM June 5, 2025 6:28 PM

६ तारखेला मुंबई विद्यापीठात ‘विकास २०२५’ या अखिल भारतीय विभागवार एक दिवसीय परिषदेचं आयोजन

विद्यापीठ अनुदान आयोग आणि मुंबई विद्यापीठ यांच्या संयुक्त विद्यमाने उद्या ६ तारखेला मुंबई विद्यापीठात ‘विकास २०२५’ या अखिल भारतीय विभागवार एक दिवसीय परिषदेचं आयोजन करण्यात आलं आहे. शिक्षण आणि उद्योग क्षेत्रांमध्ये अधिक सशक्त समन्वय साधणं आणि राष्ट्रीय शैक्षणिक धोरणाच्या प्रभावी अंमलबजावणी करण्याच्या उद्देशानं ही परिषद आयोजित करण्यात आली आहे. मंत्री, शिक्षण तज्ज्ञ या परिषदेला मार्गदर्शन करणार आहेत. या पश्चिम विभागीय ‘विकास २०२५’ परिषदेत महाराष्ट्र, गोवा आणि गुजरात इथून सुमारे ५०० मान्यवर ...

May 24, 2025 6:44 PM May 24, 2025 6:44 PM

मुंबई विद्यापीठाच्या प्रवेशपूर्व ऑनलाईन नाव नोंदणीला मुदतवाढ

मुंबई विद्यापीठाच्या प्रवेशपूर्व ऑनलाईन नाव नोंदणीला २६ मे पर्यंत मुदतवाढ देण्यात आली आहे. विद्यापिठाच्या ३ वर्षीय पदवी अभ्यासक्रम, ४ वर्षीय ऑनर्स, ‘ऑनर्स विथ रिसर्च’, ५ वर्षीय इंटिग्रेटेड प्रोग्राम्स या अभ्यासक्रमांसाठी प्रवेश प्रक्रिया राबवली जात आहे. मुंबई विद्यापीठाने प्रथम वर्षाच्या विविध अभ्यासक्रमांसाठी आतापर्यंत सुमारे सव्वा दोन लाख विद्यार्थ्यांनी नोंदणी केली असून, सुमारे दीड लाख विद्यार्थ्यांनी विविध अभ्यासक्रमांसाठी सुमारे ५ लाख अर्ज सादर केले आहेत.

May 5, 2025 7:32 PM May 5, 2025 7:32 PM

मुंबई विद्यापीठात १७व्या पश्चिम विभागीय राष्ट्रीय युवा संसद स्पर्धेचं आयोजन

मुंबई विद्यापीठात १७ व्या पश्चिम विभागीय राष्ट्रीय युवा संसद स्पर्धेचं आयोजन करण्यात आलं होतं. या स्पर्धेत मुंबई विद्यापीठाशी संलग्न असलेल्या महाविद्यालयांमधले ५६ विद्यार्थी सहभागी झाले होते. या स्पर्धेदरम्यान संसदेच्या अधिवेशन काळात होणाऱ्या दैनंदिन कामकाजामध्ये समाविष्ट असणारा प्रश्नोत्तराचा तास, ध्यानाकर्षण प्रस्ताव, विशेषाधिकार भंगाची सूचना, अल्पकालीन चर्चा तसंच विधेयकाला मान्यता देण्याबाबतच्या कामकाजाचं अभिरूप सादरीकरण करण्यात आलं. ५५ मिनिटांच्या या सादरीकरणात विद्यार्थ्यांनी हिरिरीनं सहभ...

April 23, 2025 4:51 PM April 23, 2025 4:51 PM

मुंबई विद्यापीठाशी संलग्न महाविद्याल शैक्षणिक वर्षासाठी प्रवेश नोंदणी सुरू

मुंबई विद्यापीठाशी संलग्न महाविद्यालयं, स्वायत्त महाविद्यालयं, मान्यताप्राप्त संस्थांमधे २०२५-२६ या शैक्षणिक वर्षासाठीय पदवी अभ्यासक्रमाकरिता प्रवेश घेण्यासाठी ऑनलाईन नोंदणी सुरू झाली आहे. मुंबई विद्यापीठाच्या https://mu.ac.in/admission या संकेतस्थळावर ही नोंदणी करता येईल. पदवी परीक्षांचे निकाल जाहीर करायला सुरुवात झाली असून त्यानंतर पदव्युत्तर अभ्यासक्रमासाठी प्रवेश प्रक्रिया सुरू होईल, असं परीक्षा आणि मूल्यमापन मंडळाच्या संचालिका डॉ पूजा रौंदळे यांनी सांगितलं.

April 13, 2025 3:39 PM April 13, 2025 3:39 PM

मुंबई विद्यापीठाच्या नावानं बनावट फेसबुक पेजद्वारे ऑनलाईन प्रवेश प्रक्रिया

मुंबई विद्यापीठाच्या नावानं बनावट फेसबुक पेजद्वारे ऑनलाईन प्रवेश प्रक्रिया सुरू करण्यात आली असल्याचं निदर्शनास आलं असून याबाबत सायबर गुन्हे विभागाकडं तक्रार दाखल करण्यात आली आहे. अशा कुठल्याही माध्यमातून मुंबई विद्यापीठ प्रवेश प्रकिया राबवत नाही. या प्रकारातून आर्थिक फसवणूक होण्याची शक्यता असल्यानं नागरिकांनी सतर्क राहण्याचं आणि अधिकृत संकेतस्थळावर माहितीची खात्री करण्याचं आवाहन विद्यापीठातर्फे करण्यात आलं आहे.

March 21, 2025 2:58 PM March 21, 2025 2:58 PM

मुंबई विद्यापीठात रोबोटिक्स आणि कृत्रिम बुद्धिमत्ता केंद्राची स्थापना

मुंबई विद्यापीठात रोबोटिक्स आणि कृत्रिम बुद्धिमत्ता केंद्र स्थापन केलं जाणार आहे. मुंबई विद्यापीठाचे कुलगुरू प्रा. रवींद्र कुलकर्णी यांनी ही माहिती दिली आहे. नुकताच मुंबई विद्यापीठ आणि रोबोटिक्स क्षेत्रात कार्यरत असलेल्या जॅन्युटेक इंडस्ट्री यांच्यात या संदर्भात एक सामंजस्य करार झाला आहे. या कराराच्या अनुषंगानं रोबोटिक्स सिस्टम, ऑटोमेशन, कृत्रिम बुद्धिमत्ता आधारीत एप्लीकेशन्सवर विद्यार्थी आणि संशोधकांना प्रत्यक्ष प्रशिक्षण आणि प्रकल्पांवर काम करण्याची संधी उपलब्ध होणार आहे. या सेंटरच्या म...

Social Media Links