Pahalgam Terrorist Attack | डीडी न्यूज ऑन एअर

April 25, 2025 10:06 AM April 25, 2025 10:06 AM

पहलगाम दहशतवादा विरोधातील सरकारच्या कृतीला सर्व पक्षांचा पूर्ण पाठिंबा

दहशतवादी हल्ल्याच्या पार्श्र्वभूमीवर पाकिस्तानच्या विरोधात मंत्रिमंडळाच्या सुरक्षाविषयक समितीने सीसीएसने केलेल्या कारवाईला सर्व पक्षांनी पाठिंबा दर्शवला आहे. दहशतवादाविरुद्धच्या लढ्यात सर्व संभाव्य कृतींनाही आपला पूर्ण पाठिंबा असेल, असं आश्वासनही सर्व विरोधी पक्षांनी सरकारला दिलं आहे. पहलगाम दहशतवादी हल्ल्यानंतर सरकारनं काल नवी दिल्ली इथे संसद भवन संकुलात बोलविलेल्या सर्वपक्षीय बैठकीमध्ये त्यांनी हे आश्वासन दिलं. या बैठकीत संरक्षण मंत्र्यांनी पहलगाम इथल्या घटनेची आणि त्या विरोधा...

April 24, 2025 7:48 PM April 24, 2025 7:48 PM

दहशतवादी हल्ल्याच्या पार्श्वभूमीवर श्रीनगरमध्येही सर्वपक्षीय बैठक

दहशतवादी हल्ल्याच्या पार्श्वभूमीवर श्रीनगरमध्येही आज सर्वपक्षीय बैठक झाली. या बैठकीत हल्ल्याचा एकमुखी निषेध करण्यात आला आणि सरकारच्या सर्व प्रयत्नांना पाठिंबा देण्यावर एकमत झालं. इतर राज्यात राहणाऱ्या काश्मिरी नागरिकांना आणि विद्यार्थ्यांना कुठलाही त्रास होऊ नये यासाठी काळजी घेण्याचं आवाहन या बैठकीत करण्यात आलं. नॅशनल कॉन्फरन्, भाजपा, काँग्रेस, माकप, पीडीपी, पीपल्स कॉन्फरन्स, अवामी इत्तेहाद पार्टीसह इतर पक्षांचे नेते या बैठकीला उपस्थित होते.

April 24, 2025 3:22 PM April 24, 2025 3:22 PM

पहलगाम दहशतवादी हल्ल्याचा काँग्रेसकडून तीव्र निषेध

पहलगाम दहशतवादी हल्ल्याचा काँग्रेस कार्यकारिणीनं तीव्र निषेध केला आहे. नवी दिल्ली इथं कार्यकारिणीच्या बैठकीनंतर काँग्रेसचे सरचिटणीस वेणुगोपाल यांनी बातमीदारांना ही माहिती दिली. पाकिस्तानच्या कारस्थानातून झालेला हा भ्याड हल्ला म्हणजे भारताच्या प्रजासत्ताक मूल्यांवर केलेला थेट आघात आहे. अशा विपरित स्थितीत शांत राहण्याचं आवाहन काँग्रेस कार्यकारिणीनं या बैठकीत केल्याचं त्यांनी सांगितलं. अमरनाथ यात्रा लवकरच सुरु होणार आहे. देशभरातले लाखे भविक ही यात्रा करत असतात. त्यांच्या सुरक्षिततेला प्रधान...

April 24, 2025 3:14 PM April 24, 2025 3:14 PM

J & K :राज्य पोलीस दल आणि सुरक्षादलाची संयुक्त शोधमोहिम तीव्र

जम्मू काश्मीरमधे ठिकठिकाणी राज्य पोलीस दल आणि सुरक्षादलांनी संयुक्त शोधमोहिमा तीव्र केल्या आहेत. जम्मू काश्मीरमध्ये उधमपूर इथं आज दहशतवाद्याबरोबरच्या चकमकीत सुरक्षा दलांचा एक जवान शहीद झाला. अतिरेक्यांसाठी सुरु असलेल्या लष्कराच्या शोधमोहिमेदरम्यान झालेल्या गोळीबाराला प्रत्युत्तर देताना हा जवान जखमी झाला होता. नंतर उपचारादरम्यान त्याचा मृत्यू झाला. कुलगाम जिल्हयातही काल सुरक्षा दलं आणि दहशतवाद्यांमध्ये चकमक झाली. तंगमर्ग भागात अतिरेकी लपल्याची खबर मिळाल्याने काल संध्याकाळी त्यांच्य...

April 24, 2025 3:06 PM April 24, 2025 3:06 PM

पहलगाम हल्ल्याच्या निषेधार्थ राज्यात विविध ठिकाणी बंद

पहलगाम हल्ल्याच्या निषेधार्थ राज्यात विविध ठिकाणी बंद पुकारण्यात आला आहे. अनेक ठिकाणी सार्वजनिक तसंच मनोरंजनाचे कार्यक्रम रद्द करण्यात आले आहेत. डोंबिवली शहरात आज या हल्ल्याच्या निषेधार्थ बंद पाळला आहे. बीड जिल्ह्यात डॉ. बाबासाहेब आंबेडकर आणि महात्मा फुले यांच्या जयंतीनिमित्त उद्या होणारा भीमसंगीताचा कार्यक्रम रद्द करण्यात आला आहे. लातूर शहरात मुस्लीम समाजाने मेणबत्त्या पेटवून हल्ल्यात मरण पावलेल्यांना श्रद्धांजली अर्पण केली आणि या हल्ल्याचा तीव्र निषेध केला. धुळे शहरातही विविध संघटनांनी आज जिल्...

April 24, 2025 2:04 PM April 24, 2025 2:04 PM

पहलगाम दहशतवादी हल्ल्यातील बळींना BCCI ची श्रद्धांजली

भारतीय क्रिकेट नियामक मंडळाने कालच्या सामन्यादरम्यान पहलगाम दहशतवादी हल्ल्यातील बळींना श्रद्धांजली वाहिली. तसंच खेळाडू, समालोचक आणि इतर कर्मचाऱ्यांनी काळ्या फिती लावून निषेध नोंदवला. दरम्यान, आयपीएल क्रिकेट स्पर्धेत आज बंगळुरूमधे रायल चॅलेंजर्स बंगलोर आणि राजस्थान रॉयल्स दरम्यान सामना होणार आहे. सामना ७.३० वाजता सुरु होईल.

April 24, 2025 3:09 PM April 24, 2025 3:09 PM

जम्मूकश्मीरमध्ये अडकलेल्या महाराष्ट्रातल्या पर्यटकांची पहिली तुकडी मुंबईत परतली

जम्मू कश्मीर मध्ये दहशतवादी हल्ल्यानंतर तिथे अडकलेल्या महाराष्ट्रातल्या पर्यटकांची पहिली तुकडी विशेष विमानाने आज पहाटे साडेतीन वाजता मुंबई विमानतळावर सुखरूप पोहचली. शिवसेनेच्या पदाधिकारी आणि कार्यकर्त्यांनी त्यांचं गुलाबपुष्प देऊन स्वागत केलं. काश्मिरमधे अडकलेल्या राज्याच्या नागरिकांना परत आणण्यासाठी आणखी विशेष विमानाची व्यवस्था झाली आहे. एअर इंडियाचं एक विमान 100 पर्यटकांना घेऊन आज मुंबईला येईल. इंडिगो एअरलाईन्सचं एक विमान 83 पर्यटकांना परत आणेल. ही दोन्ही विमानं सायंकाळी सुमारास मुंबई...

April 24, 2025 2:09 PM April 24, 2025 2:09 PM

पहलगाम दहशतवादी हल्ल्याच्या निषेधार्थ ठिकठिकाणी निदर्शने

पहलगाम इथे झालेल्या दहशतवादी हल्ल्यानंतर हिमाचल प्रदेशमध्ये सिमला इथे स्थानिक जनतेने दहशतवादाविरोधात आज निदर्शनं केली. सिमल्यातल्या व्यापाऱ्यांनीही अर्ध्या दिवसाचा बंद पाळत या घटनेचा निषेध केला आहे. खुंटी जिल्ह्यातही स्थानिक व्यापाऱ्यांनी या घटनेचा निषेध करत एक दिवसाचा बंद पाळला. या हल्ल्याच्या निषेधार्थ खुंटी जिल्ह्यात अनेक ठिकाणी मशाल रॅली काढण्यात आली. या हल्ल्याच्या पार्श्वभूमीवर हिमाचल प्रदेशच्या काँग्रेस समितीने येत्या २६ एप्रिल रोजी सिमल्यात आयोजित केलेली संविधान बचाओ रॅली स्थगित करण्याचा...

April 24, 2025 1:37 PM April 24, 2025 1:37 PM

पाकिस्तान विरोधात भारताची कठोर पावलं

जम्मू काश्मीरमध्ये पहलगाम इथं मंगळवारी झालेल्या दहशतवादी हल्ल्यानंतर भारताने पाकिस्तानी उच्चायुक्तालयातील संरक्षण सल्लागारांना आठवडाभरात भारत सोडण्याचे आदेश दिले आहेत. याचबरोबर, भारताने इस्लामाबादमधल्या भारतीय उच्चायुक्तालयातून भारतीय संरक्षण, नौदल आणि हवाई सल्लागार परत बोलवण्याची घोषणा केली आहे. भारत आणि पाकिस्तानदरम्यान असलेला, 1960 चा सिंधू पाणी करार तत्काळ प्रभावाने स्थगित करण्यात आला आहे. वाघा-अटारी सीमा बंद करण्यात आली असून, सार्क व्हिसा सवलत योजना पाकिस्तानी नागरिकांसाठी रद्द करण्...

April 24, 2025 1:30 PM April 24, 2025 1:30 PM

पहलगाम हल्ल्याच्या पार्श्वभूमीवर केंद्रसरकारने बोलावली सर्वपक्षीय बैठक

पहलगाम हल्ल्याच्या पार्श्वभूमीवर केंद्रसरकारने आज नवी दिल्ली इथं सर्वपक्षीय बैठक बोलावली आहे. संध्याकाळी ६ वाजता ही बैठक संसद भवनात होणार असल्याचं सूत्रांनी सांगितलं. संरक्षण मंत्री राजनाथ सिंग बैठकीत माहिती देण्याची शक्यता आहे. या हल्ल्यानंतर पाकिस्तानविरोधात सरकारने योजलेल्या उपायांबद्दल ते सर्व राजकीय पक्षांच्या प्रतिनिधींना माहिती देतील.

Social Media Links