Pahalgam Terror Attack | डीडी न्यूज ऑन एअर

April 29, 2025 3:19 PM April 29, 2025 3:19 PM

पहलगाम हल्ल्याच्या पार्श्वभूमीवर संसदेचं विशेष सत्र घेण्याची पक्षनेत्यांची मागणी

काँग्रेस अध्यक्ष आणि राज्यसभेतले विरोधी पक्षनेते मल्लिकार्जुन खरगे आणि लोकसभेतले विरोधी पक्षनेते राहुल गांधी यांनी, पहलगाम दहशतवादी हल्ल्याच्या पार्श्वभूमीवर संसदेचं विशेष सत्र घेण्याची मागणी केली आहे. तसं पत्र त्यांनी प्रधानमंत्री नरेंद्र मोदी यांना लिहिलं आहे. दहशतवादाविरुद्ध देशाची एकता दर्शवण्यासाठी आणि मृतांच्या कुटुंबियांना न्याय मिळवून देण्यासंदर्भात चर्चा करण्यासाठी हे विशेष सत्र बोलावण्याची मागणी या दोन्ही नेत्यांनी या पत्रात केली आहे. काँग्रेसच्या या मागणीवर भाजपाने टीका केली आ...

April 29, 2025 1:36 PM April 29, 2025 1:36 PM

भारत पाकिस्तान सीमेलगतच्या गावातून हेरॉईन अंमली पदार्थ आणि ड्रोन जप्त

सीमा सुरक्षा दलानं आज भारत पाकिस्तान सीमेलगतच्या गुरुदासपूर जिल्ह्यातल्या गावातून हेरॉईन या अंमली पदार्थाचा साठा आणि ड्रोन जप्त केले. रत्तर चत्तर गावातल्या एका शेतात संशयास्पद स्थितीतला एक खोका जप्त करण्यात आला. त्यात साडेआठ किलो वजनाची अंमली पदार्थाची ८ पाकिटं आढळली. तसंच या भागात एका ड्रोनच्या हालचाली टिपून सीमा सुरक्षा दलानं हा ड्रोन पाडून ताब्यात घेतला.

April 29, 2025 1:33 PM April 29, 2025 1:33 PM

पहलगाम हल्ल्यातल्या मृतांप्रती संवेदना प्रकट करण्यासाठी अमेरिकेत विविध ठिकाणी प्रार्थना सभेचं आयोजन

पहलगाम हल्ल्यातल्या मृतांप्रती संवेदना प्रकट करण्यासाठी आज अमेरिकेतल्या भारतीय समुदायाकडून विविध ठिकाणी प्रार्थना सभा आयोजित करण्यात आल्या. न्यू जर्सीच्या एडिसन इथं ३०० अमेरिकन भारतीयांनी या प्रार्थना सभेत भाग घेतला. यावेळी एडिसनचे महापौर सॅम जोशी आणि न्यू जर्सीचे महापौर असेंब्लियान रॉबर्ट काराबिनचक यांनीही पहलगाम हल्ल्यातील मृतांना आदरांजली वाहिली. कनेक्टिकट, कोलंबसमधल्या ओहियो, त्याचबरोबर कॅनडा, डेन्मार्क, इंग्लंड, फ्रान्स, फिनलंड, जर्मनी आणि स्पेनमध्येही श्रद्धांजली सभाचं आयोजन करण्या...

April 29, 2025 1:27 PM April 29, 2025 1:27 PM

पहलगाम दहशतवादी हल्ल्याचा मुद्दा भारताने संयुक्त राष्ट्रसंघात केला उपस्थित

पहलगाम दहशतवादी हल्ल्याचा मुद्दा भारताने संयुक्त राष्ट्रसंघात जोरकसपणे उपस्थित केला आहे. पाकिस्तानचे संरक्षण मंत्री ख्वाजा आसिफ यांनी एकप्रकारे दहशतवाद्यांना पैसा आणि प्रशिक्षण पुरवल्याची कबुली दिली असल्याचं भारताच्या उप स्थायी प्रतिनिधी योजना पटेल यांनी काल सांगितलं. ख्वाजा आसिफ यांनी काही दिवसांपूर्वी एका दूरचित्रवाहिनीला दिलेल्या मुलाखतीत पाश्चात्य देशांसाठी पाकिस्तानने दहशतवादी संघटनांना आश्रय दिल्याची कबुली दिली होती, हे साऱ्या जगाने ऐकलंच आहे, असं त्या म्हणाल्या. पाकिस्तान उलट भारता...

April 28, 2025 1:33 PM April 28, 2025 1:33 PM

काश्मीरच्या मुद्द्यावर भारत आणि पाकिस्तानने शांततापूर्ण मार्गानं तोडगा काढावा – बांगलादेश

काश्मीरच्या मुद्द्यावर भारत आणि पाकिस्तानने शांततापूर्ण मार्गानं तोडगा काढावा अशी अपेक्षा बांगलादेशानं व्यक्त केली आहे. दक्षिण आशियात स्थैर्य नांदण्यासाठी हे आवश्यक असल्याचं बांगलादेशाचे परराष्ट्र व्यवहार सल्लागार तौहिद होसैन यांनी म्हटलं आहे. ते काल ढाका इथं वार्ताहरांशी बोलत होते.

April 28, 2025 1:22 PM April 28, 2025 1:22 PM

पहलगाम हल्ल्याच्या निषेधासाठी जम्मू काश्मीर विधानसभेचं आज विशेष अधिवेशन

पहलगाम दहशतवादी हल्ल्यानंतर जम्मू काश्मीर विधानसभेचं विशेष अधिवेशन आज भरलं आहे. कामकाज सुरु करण्यापूर्वी सभागृहाने या हल्ल्यात मरण पावलेल्यांना दोन मिनिटं मौन पाळून आदरांजली वाहिली. अध्यक्ष अब्दुल रहीम राथर यांनी या हल्ल्याचा तीव्र शब्दात निषेध केला. उपमुख्यमंत्री सुरिंदर चौधरी यांनी निषेधाचा ठराव मांडला असून त्यावर चर्चा सुरु आहे. या भयानक हल्ल्यानंतर विशेष अधिवेशन बोलावण्याची विनंती मुख्यमंत्री ओमार अब्दुल्ला यांच्या नेतृत्वाखाली मंत्रिमंडळाने केली होती. त्यानुसार नायब राज्यपाल मनोज सिन...

April 28, 2025 11:05 AM April 28, 2025 11:05 AM

७७ पाकिस्तानी नागरिकांची चारधाम यात्रा नोंदणी रद्द

चारधाम यात्रा आणि हेमकुंड साहीब यात्रेसाठी नोंदणी केलेल्या ७७ पाकिस्तानी नागरिकांची नोंदणी उत्तराखंड सरकारनं रद्द केली आहे. राज्याचे पर्यटन आणि सांस्कृतिक कार्य मंत्री सतपाल महाराज यांनी काल ही घोषणा केली. दहशतवाद आणि पर्यटन हातात हात घालून जाऊ शकत नाहीत, असं त्यांनी स्पष्ट केलं. राज्य सरकार सर्व भाविकांना सुरक्षिततेची हमी देण्यासाठी कटीबद्ध असल्याचंही ते म्हणाले. चारधाम यात्रेसाठी २२ लाख भाविकांनी नोंदणी केली असून यात इतर देशातल्या २५ हजार भाविकांचा समावेश असल्याची माहिती त्यांनी दिली.

April 28, 2025 11:05 AM April 28, 2025 11:05 AM

दहशतवाद निर्णायक लढाईला पूर्ण पाठिंबा देणार – जम्मू-काश्मीरचे मुख्यमंत्री

दहशतवाद आणि त्याचं मूळ यांचा बिमोड करण्यासाठीच्या निर्णायक लढाईला आपला पूर्ण पाठिंबा असल्याचं जम्मू-काश्मीरचे मुख्यमंत्री ओमर अब्दुल्ला यांनी म्हटलं आहे. तथापि पहलगाम दहशतवादी हल्ल्यात निरपराध लोकांचा बळी गेल्याबद्दल चिंता व्यक्त करणाऱ्यांना परकेपणा वाटेल अशा कोणत्याही स्वरुपाची अस्थानी कारवाई होऊ नये अशी चिंताही त्यांनी वक्तव्य केली आहे. २२ एप्रिल रोजी पहलगाम येथे झालेल्या दहशतवादी हल्ल्यानंतर काश्मीर खोऱ्यातील दहशतवाद्यांची यंत्रणा उखडून टाकण्यासाठी सक्रिय दहशतवादी आणि त्यांच्या भूमीगत ...

April 28, 2025 10:38 AM April 28, 2025 10:38 AM

पहलगाम हल्ल्यानंतर संरक्षण मंत्री आणि सीडीएस यांच्यात लष्करी तयारीबाबत चर्चा

संरक्षणमंत्री राजनाथसिंह यांनी काल दिल्लीतील त्यांच्या निवासस्थानी सरसेनाध्यक्ष जनरल अनिल चौहान यांची भेट घेतली. पहलगाम दहशतवादी हल्ल्याला प्रतिसाद देण्याच्या अनुषंगानं सैन्य दलांच्या तयारीचा आढावा घेण्यासह अन्य महत्त्वाच्या मुद्द्यांवर चर्चा करण्यासाठी झालेली ही भेट जवळपास ४० मिनिटं सुरू होती. २२ एप्रिलला झालेल्या या हल्ल्यात विविध राज्यातले २६ पर्यटक मारले गेले. जनरल चौहान यांनी या बैठकीत संरक्षण मंत्र्यांना दहशतवादाचा नायनाट करण्यासाठी लष्करानं आताच्या या घडीला आखलेली व्यूहरचना आणि यु...

April 27, 2025 1:35 PM April 27, 2025 1:35 PM

पाकिस्तानी नागरिकांना देशाबाहेर काढण्याची प्रक्रिया सुरू असल्याची मुख्यमंत्र्यांची ग्वाही

महाराष्ट्रात राहणाऱ्या पाकिस्तानी नागरिकांपैकी कुणीही बेपत्ता नसून या सर्व नागरिकांना देशाबाहेर काढायची प्रक्रिया सुरू असल्याची ग्वाही मुख्यमंत्री देवेंद्र फडणवीस यांनी आज पुण्यात वार्ताहरांशी बोलताना दिली. गृहविभागाच्या आकडेवारीनुसार राज्यातल्या एकंदर ४८ शहरांमध्ये ५ हजार २३ पाकिस्तानी नागरिक राहतात. या सर्व नागरिकांना आज संध्याकाळपर्यंत किंवा उद्यापर्यंत देशातून बाहेर काढलं जाईल, असंही फडणवीस यांनी नमूद केलं.

Social Media Links