ایران کے نیوکلیائی پروگرام پر امریکہ اور ایران کے درمیان نیوکلیائی مذاکرات کا دوسرا دور احتیاط پر مبنی امید افزا علامات کے ساتھ روم میں ختم ہو گیا۔ ایران کے  وزیر خارجہ عباس Araghchi نے بتایا کہ بات چیت آگے بڑھ رہی ہے اور دونوں فریقوں کے درمیان کل کچھ اصولوں کی بنیاد پر ایک سمجھوتہ طے پایا ہے۔ ایک سوشل میڈیا پوسٹ میں انہوں نے کہا کہ روم میں مثبت ماحول کی وجہ سے اصولوں کے بارے میں پیشرفت ہوئی اور ایک امکانی سمجھوتے کے مقاصد حاصل ہوئے ہیں۔

ٹرمپ انتظامیہ کے سینئر اہلکار نے، اپنا نام ظاہر نہ کرنے کی شرط پر بتایا کہ دونوں فریقوں نے اپنی ہدایت اور بالواسطہ مذاکرات میں بہت اچھی پیشرفت کی ہے۔

مذاکرات کا دوسرا دور، Oman کی راجدھانی مسقط میں پچھلے ہفتے ہونے والی بات چیت کے پہلے دور کے بعد ہوا ہے۔ امریکی وفد کی قیادت خصوصی ایلچی Steve Witkoff جبکہ ایران کے وفد کی قیادت وزیر خارجہ Araghchi نے کی۔ Oman نے اس بات چیت میں ثالث کا رول نبھایا ہے۔ ایران کی وزارتِ خارجہ کے ترجمان کے مطابق بات چیت کا تیسرا دور 26 اپریل کو ہوگا۔ Oman کی وزارتِ خارجہ نے تصدیق کی ہے کہ یہ میٹنگ مسقط میں ہوگی۔ ایرانی   وزیر خارجہ نے یہ بھی بتایا کہ تکنیکی ماہرین کے درمیان بات چیت بدھ کو شروع ہوگی۔

امریکہ، ایران کے نیوکلیائی منصوبوں کے خلاف ہے اور وہ چاہتا ہے کہ ایران بہت زیادہ آفزودہ یورینیم کی  پیداوار روک دے، جس کے بارے میں امریکہ یہ سمجھتا ہے کہ اس کا مقصد ایٹم بم بنانا ہے۔ دوسری جانب ایران نے یورینیم کو اور زیادہ آفزودہ بنانے کے اپنے حق کا دفاع کیا ہے، لیکن یہ تجویز رکھی ہے کہ وہ اپنی بہت زیادہ متاثر معیشت پر دباؤ کو کم کرنے کے لیے پابندیوں میں راحت حاصل کرنے کے بدلے کچھ سمجھوتوں پر بات چیت کرنے کا خواہشمند ہے۔×