یوروپی یونین کے رہنماؤں نے امریکہ کی جانب سے یوکرین کو فوجی امداد معطل کیے جانے کے تناظر میں بڑھتے ہوئے سلامتی تحفظات کے درمیان کل برسلز میں ہنگامی میٹنگ کی۔ میٹنگ کے دوران یوروپی یونین کے رہنماؤں نے، یوکرین کے تئیں اپنی دفاعی عہد بستگیوں کو مستحکم کرنے پر توجہ مرکوز کی اور یوکرین کو امداد جاری رکھنے کی یقین دہانی کرائی۔   یوروپی یونین کے رہنماؤں نے برِ اعظم کے دفاع کے لیے مل کر کام کرنے کے اپنے عزم کو بھی دوہرایا۔ اس میٹنگ میں یوکرین کے صدر وولودیمیر زیلنسکی، یوروپی کمیشن کی صدرUrsula Von Der Leyen، یوروپی کونسل کے صدر انٹونیو کوسٹا اور فرانس کے صدر ایمونوئل میکروں موجود تھے۔ امریکی صدر ڈونلڈ ٹرمپ اور یوکرینی صدر وولودیمیر زیلنسکی کے درمیان گزشتہ ہفتے واشنگٹن ڈی سی کے وہائٹ ہاؤس میں ہوئی ملاقات کے بعد 27 ملکوں کے یوروپی رہنماؤں کی یہ پہلی چوٹی ملاقات رہی۔ دونوں صدور کی ملاقات کے بعد ٹرمپ انتظامیہ نے یوکرین کی فوجی امداد پر روک لگانے کا اعلان کر دیا ہے اور یوکرین کے ساتھ انٹیلی جنس ساجھے داری کو بھی معطل کر دیا ہے۔×