مرکزی وزیر داخلہ امت شاہ آج سے چھتیس گڑھ کے دو روزہ دورے پر ہوں گے۔ اپنے دورے کے دوران وہ ریاست کی راجدھانی رائے پور اور نارائن پور ضلع میں مختلف پروگراموں میں شرکت کریں گے۔
مرکزی وزیر داخلہ امت شاہ آج رائے پور میں نیشنل فورنسک سائنسز یونیورسٹی اور سینٹرل فورنسک سائنس لیباریٹری کے کیمپس کا سنگ بنیاد رکھیں گے۔ یہ فورنسک سائنس یونیورسٹی لگ بھگ 40 ایکڑ کے رقبے میں تقریباً چار سو کروڑ روپے کی لاگت سے تعمیر کی جائے گی۔ جناب شاہ آج Nava رائے پور میں چھتیس گڑھ اور ملحقہ ریاستوں کے پولیس ڈائریکٹر جنرل اور ایڈیشنل ڈائریکٹر جنرل کے ساتھ سیکورٹی سے متعلق امور پر میٹنگ کریں گے۔ ایک اور میٹنگ میں مرکزی وزیر داخلہ بائیں بازو کی انتہا پسندی پر سیکورٹی کا بھی جائزہ لیں گے۔ چھتیس گڑھ کے اپنے دورے کے دوسرے دن کل جناب امت شاہ بستر ڈویژن میں واقع نارائن پور ضلع کے Abujhmad علاقے کا دورہ کریں گے اور وہاں گاؤں والوں سے بات چیت کریں گے۔
اس کے علاوہ مرکزی وزیر داخلہ نارائن پور ضلع کے Irkbhatti علاقے میں واقع سرحدی حفاظتی فورس BSF کے کیمپ کا بھی دورہ کریں گے اور جوانوں سے بات چیت کریں گے۔
