وزیر اعظم نریندر مودی کی جانب سے اعلان کردہ GST بچت اُتسو، جو اس ماہ کی 22 تاریخ سے شروع ہوا، معاشرے کے ہر طبقے کو فائدہ پہنچا رہا ہے۔

اگلے سلسلے کی GST اصلاحات، بھارت کے بالواسطہ ٹیکس نظام کو آسان بنانے کی جانب ایک اہم قدم ہے۔ یہ اصلاحات مختلف اشیا اور خدمات پر ٹیکس کی شرح کم کرکے شہریوں کو خاطر خواہ راحت فراہم کر رہی ہیں۔

اگلے سلسلے کی GST اصلاحات کے تحت حکومت نے کھلونوں اور کھیل کود کے سازوسامان پر GST کی شرح 12 فیصد سے کم کرکے 5 فیصد کر دی ہے۔ یہ اقدام صارفین اور صنعت کاروں دونوں کو سہولت فراہم کرے گا اور کھلونے کی گھریلو صنعت کو فروغ دے گا۔ GSTکی کم شرح، بچوں میں صحت مند تفریحی سرگرمیوں کو فروغ دے گی جس سے زمینی سطح پر کھیلوں میں صلاحیت کو پروان چڑھانے میں مدد ملے گی۔

          اِس کے علاوہ، GST کی کم شرح گھریلو کھلونوں اور کھیلوں کے سامان کے مقامی صنعت کاروں، خاص طور پر چھوٹے اور درمیانے درجے کے کاروباری اداروں کو گھریلو اور بین الاقوامی منڈیوں میں مسابقت حاصل کرنے میں مدد فراہم کرے گی۔

کھیلوں کے سامان اور کھلونوں کی برآمدات کو فروغ دینے کی کونسل کے ایگزیکٹیو ڈائریکٹر Tarun Dewan نے حکومت کے فیصلے کو سراہا اور کہا کہ یہ قدم عوام کے لیے کافی فائدہ مند ثابت ہوگا۔

GST کونسل نے سائیکلوں پر بھی GSTکی شرح 12 فیصد سے کم کرکے 5 فیصد کردی ہے۔ اِس قدم سے روزانہ سفر کرنے والے افراد، دیہی کنبوں اور طلبا کے لیے سائیکل زیادہ کفایتی اور سستی ہوجائے گی۔ اِس سے ملک بھر میں ماحولیات کے لیے سازگار موبیلٹی کی بھی حوصلہ افزائی ہوگی۔