مردوں کی ICC چیمپئنس ٹرافی میں کل رات دبئی انٹرنیشنل کرکٹ اسٹیڈیم میں، بھارت نے روایتی حریف پاکستان کے خلاف 6 وکٹ سے شاندار جیت حاصل کی۔ وراٹ کوہلی کو زبردست کھیل کا مظاہرہ کرنے اور شاندار سنچری بنانے کے لیے میچ کا بہترین کھلاڑی قرار دیا گیا۔ انہوں نے پاکستانی گیندبازی کا ڈٹ کر مقابلہ کیا تھا۔
پہلے بلّے بازی کرتے ہوئے پاکستان کی پوری ٹیم 241 رن پر آؤٹ ہو گئی۔ پاکستان کی طرف سے سعود شکیل نے سب سے زیادہ 62 رن بنائے، جبکہ بھارت کی جانب سے کُلدیپ یادو نے 3 وکٹ اور ہاردِک پانڈیہ نے 2 وکٹ حاصل کیے۔ روہت شرما کی قیادت میں بھارتی ٹیم نے وراٹ کوہلی کی دھواں دار بلّے بازی اور سنچری کی بدولت پاکستان کے نشانے کو حاصل کر کے یہ میچ آسانی سے 6 وکٹ سے جیت لیا۔ بھارت کی جانب سے شریاس ایّر نے56 اور شُبھ من گِل نے 46 رن بنائے۔
وراٹ کوہلی کی یہ ایک روزہ بین الاقوامی میچ میں 51 ویں سنچری تھی۔ اس کے علاوہ انہوں نے ایک روزہ بین الاقوامی میچوں میں 14 ہزار رن بنا کر ایک تاریخ بھی رقم کی۔ انہوں نے روایتی حریف پاکستان کے خلاف سب سے زیادہ مین آف دی میچ ایوارڈ حاصل کرنے کا اعزاز بھی حاصل کیا۔×