جموں و کشمیر میں، جموں خطّے میں کل بارش، مٹّی کے تودے کھسکنے اور اچانک سیلاب کے سبب پُنچھ ضلعے میں 3 افراد کے ہلاک ہونے، جبکہ 3 افراد کے Suran دریا میں بہہ جانے کا اندیشہ ہے۔ رِیاسی ضلعے میں ایک نالے میں اچانک سیلاب آنے سے ایک نوجوان ڈوب گیا۔ سامبا ضلعے میں بجلی گرنے سے ایک مندر کو بھی نقصان پہنچا۔ کل شام مٹّی کے تودے کھسکنے کی وجہ سے اہم جموں -سری نگر قومی شاہراہ بند کر دی گئی۔ اسی طرح رام بَن سیکٹر میں متعدد مقامات پر چٹّان کھسکنے کے بھی واقعات پیش آئے۔ کشتواڑ، ڈوڈہ، رام بَن، پُنچھ اور رِیاسی کے بالائی علاقوں سے شدید برفباری کی خبریں موصول ہوئی ہیں۔ دن بھر جموں خطّے میں بارش جاری رہی، جس کی وجہ سے معمول کی زندگی متاثر ہوئی۔×