اہلیت اور داخلوں سے متعلق قومی امتحان NEET انڈر گریجویٹ 2025 امتحان آج منعقد کیا جا رہا ہے۔ امتحانات کے انعقاد سے متعلق قومی ایجنسی، NTA آج ملک کے پانچ ہزار سے زیادہ اور بیرونِ ملک 13 شہروں میں اس امتحان کا انعقاد کر رہی ہے۔

NTA نے اپنے بیان میں کہا ہے کہ امتحان کو محفوظ اور نقائص سے پاک طریقے سے منعقد کرنے کے لیے سبھی تیاریاں اور لوجسٹک انتظامات مکمل کرلیے گئے ہیں۔ 22 لاکھ 70 ہزار سے زیادہ امیدواروں نے NEET یو۔جی 2025 کے لیے رجسٹرڈ کیا ہے۔ یہ امتحان آج دوپہر دو بجے سے شام بجے تک منعقد کیا جائے گا۔

اِس سے پہلے کل امتحان مراکز پر آزمائشی مشقیں کامیابی کے ساتھ مکمل کی گئیں۔ وہیں امتحان کے مواد کے بارے میں بے بنیاد افواہیں پھیلانے والے معاملات پر NTA نے اپنے پورٹل کے ذریعے کاررواائی کی۔

NTA نے مزید کہا کہ اِس کے نتیجے میں غلط معلومات پھیلانے والے 165 سے زیادہ ٹیلی گرام چینلوں اور 32 سے زیادہ انسٹاگرام اکاؤنٹس کے خلاف کارروائی کی گئی۔x