ہماچل پردیش کے کُلّو شہر میں اکھاڑہ بازار کے زمینی تودے کھسکنے سے متاثرہ علاقے سے ایک اور لاش برآمد کی گئی ہے جبکہ پانچ افراد ابھی لاپتہ ہیں۔ اس کے علاوہ منی مہیشا یاترا کے دوران چمبا ضلعے کے بھرمور علاقے میں پندرہ ہزار سے زیادہ جو عقیدتمند پھنس کر رہ گئے تھے، اُنھیں اُن کے گھروں تک بحفاظت پہنچا دیا گیا ہے۔

قدرتی آفات سے نمٹنے والی ریاستی اتھارٹی کے مطابق میں چار قومی شاہراہیں، ایک ہزار 87 دیگر سڑکیں، دو ہزار 838 بجلی ٹرانفارمرس اور پینے کے پانی کی سپلائی کی 509 اسکیمیں متاثر ہوئی ہیں۔

محکمہ موسمیات نے پیشگوئی کی ہے کہ ریاست میں آج سے مانسون کمزور پڑ جائے گا۔