हैदराबादमध्ये झालेल्या संतोष करंडक फुटबॉल राष्ट्रीय स्पर्धांमध्ये पश्चिम बंगालनं काल आपलं 33 वं विजेतेपद पटकावलं. त्यांनी केरळवर 1 – 0 असा विजय मिळवला. बंगालच्या रॉबी हंसडा यानं शेवटच्या काही मिनिटांमध्ये मिळवलेल्या या गोलनं पश्चिम बंगालचा 7 वर्षांचा विजेतेपदाचा दुष्काळ संपवला. हंसडा याच्या 12 गोल्सनं त्याला या स्पर्धेतला सर्वोत्तम खेळाडूचा पुरस्कार मिळवून दिला.