इस्तांबूलचे महापौर एकरेम इमामोगलू यांना अटक केल्याच्या निषेधार्थ तुर्कस्थानच्या विविध शहरांत निदर्शनं करणाऱ्या सुमारे ३०० निदर्शकांना तुर्की पोलिसांनी ताब्यात घेतलं आहे. भ्रष्टाचार आणि दहशतवादाशी संबंध असल्याच्या कथित आरोपावरून इमामोगलू यांना अटक केल्यानंतर गेल्या बुधवारपासून तुर्कस्थानच्या अनेक शहरांमध्ये या अटकेविरोधात शांततापूर्ण निदर्शनं करण्यात येत होती.
