Russia | डीडी न्यूज ऑन एअर

March 14, 2025 7:02 PM March 14, 2025 7:02 PM

अमेरिकेनं लादलेले निर्बंध हटवण्यासाठी चीन, रशिया आणि इराणची आण्विक चर्चेसाठी मागणी

चीन, रशिया आणि इराण या यांनी इराणवर अमेरिकेने लादलेले निर्बंध हटवण्यासाठी आणि आण्विक चर्चा पुन्हा सुरू करण्याची मागणी केली. या तिन्ही देशांच्या प्रतिनिधींनी बीजिंगमध्ये झालेल्या बैठकीत सर्व एकतर्फी बेकायदा निर्बंध उठण्याची गरज असल्याचे म्हटले आहे. चीनचे उप परराष्ट्र मंत्री मा झाओक्सु, रशियाचे उप परराष्ट्र मंत्री रियाबकोव्ह सर्गेई अलेक्सेविच आणि इराणचे उप परराष्ट्र मंत्री काझेम गरीबाबादी यांनी एक संयुक्त निवेदन प्रसिद्ध केले. या निवेदनात परस्पर आदराच्या तत्त्वावर आधारित राजकीय सहभाग आणि संवाद हाच...

March 10, 2025 7:18 PM March 10, 2025 7:18 PM

रशियाचे दोन ब्रिटीश राजदुतांवर हेरगिरीचा आरोप करत देश सोडण्याचे आदेश

रशियाने आज दोन ब्रिटीश राजदुतांवर हेरगिरीचा आरोप करत दोन आठवड्यांच्या आत देश सोडण्याचे आदेश दिले. रशियाच्या फेडरल सिक्युरिटी सर्विसने राजदूतांवर वैयक्तिक माहिती पुरवल्याचा आणि राष्ट्रीय सुरक्षेला धोका निर्माण करणाऱ्या कारवायांमध्ये सहभागी असल्याचा आरोप केला आहे. मात्र, या संदर्भातला कोणतीही पुरावा सादर केलेला नाही

March 8, 2025 2:58 PM March 8, 2025 2:58 PM

रशियावर कठोर निर्बंध आणि शुल्क लादण्याचा अमेरिकेचे राष्ट्राध्यक्ष डोनाल्ड ट्रम्प यांचा इशारा

युक्रेनसोबत शांतता करार होत नाही तोपर्यंत रशियावर कठोर निर्बंध आणि शुल्क लादण्यात येईल असं अमेरिकेचे राष्ट्राध्यक्ष डोनाल्ड ट्रम्प यांनी म्हटलं आहे. रशिया युक्रेनवर दडपशाही करत असल्यानं हा निर्णय घेतल्याचं ट्रम्प यांनी सांगितलं. ट्रम्प हे मागच्या काही दिवसात रशियाची बाजू घेत होते. त्यामुळे त्यांच्या या वक्तव्यावर आश्चर्य व्यक्त केलं जात आहे.

March 3, 2025 9:34 AM March 3, 2025 9:34 AM

रशिया-युक्रेन दरम्यान युध्दबंदी करारासाठी लंडनमध्ये परिषद

रशिया–युक्रेन दरम्यान युध्दबंदी करारासाठी योजना आखण्याच्या उद्देशानं लंडनमध्ये परिषद सुरु आहे. युक्रेनचे राष्ट्राध्यक्ष ब्लादिमिर झेलेनस्की या बैठकीला उपस्थित आहेत. युक्रेनमध्ये शांतता नांदावी यासाठी चार कलमी रुपरेखा तयार करण्यात आली आहे. ब्रिटन तसंच अन्य युरोपीय देश युक्रेनची साथ देणार आहे. असं ब्रिटनचे पंतप्रधान कीर स्टामर यांनी सांगितलं. युद्ध सुरू असताना युक्रेनमध्ये लष्करी मदतीचा प्रवाह सुरू ठेवणं आणि रशियावर आर्थिक दबाव वाढवणं, शाश्वत शांततेसाठी युक्रेनचे सार्वभौमत्व आणि सुरक्षितता ...

February 17, 2025 8:39 PM February 17, 2025 8:39 PM

रशिया आणि अमेरिका यांच्या परराष्ट्र मंत्र्यांमध्ये उद्या चर्चा होणार

रशिया आणि अमेरिका यांच्या परराष्ट्र मंत्र्यांमध्ये उद्या चर्चा होणार आहे. रशियाचे परराष्ट्र व्यवहार मंत्री सर्गेई लावरोव्ह आणि पुतीन यांचे परराष्ट्र व्यवहार सल्लागार युरी उश्कोव्ह चर्चेत सहभागी होण्यासाठी उद्या सौदी अरेबियाच्या राजधानीत दाखल होतील, असं रशियन राष्ट्राध्यक्षाच्या कार्यालयाचे प्रवक्ते दिमित्री पेस्कोव्ह यांनी सांगितलं. अमेरिकेचे परराष्ट्र व्यवहार मंत्री मार्को रुबियो अमेरिकेच्या शिष्टमंडळाचं नेतृत्व करतील. रशिया-युक्रेन यांच्यातल्या संघर्षावर शांततापूर्ण मार्गानं तोडगा काढण्यासाठी ...

February 14, 2025 8:13 PM February 14, 2025 8:13 PM

चेर्नोबिल अणुप्रकल्पाचं संरक्षक कवच भेदल्याचा आरोप रशियानं फेटाळला

चेर्नोबिल अणुप्रकल्पाचं संरक्षक कवच भेदल्याचा आरोप रशियाने फेटाळला आहे. रशियाचे युक्रेनमधले प्रतिनिधी दिमित्री पेस्कॉव्ह यांनी आज क्यीव्हमधे पत्रकारपरिषदेत सांगितलं की अणुप्रकल्पांवर किंवा संबंधित पायाभूत सुविधांवर हल्ला करण्याचा विषयच कधी उद्भवला नसून रशियाच्या सैन्याने असं काहीही केलेलं नाही. युद्ध थांबवण्याच्या दृष्टीनं अमेरिकेचे अध्यक्ष डोनाल्ड ट्रंप आणि रशियाचे अध्यक्ष व्लादिमीर पुतीन यांच्यात चर्चा झाली या पार्श्वभूमीवर शांतता प्रस्थापित करण्याचे प्रयत्न हाणून पाडण्यासाठी युक्रेनियन अधिकाऱ...

February 9, 2025 1:39 PM February 9, 2025 1:39 PM

मुंबई खुल्या बॅडमिंटन स्पर्धेत आज भारताचा सामना रशिया सोबत

मुंबई खुल्या बॅडमिंटन स्पर्धेत महिला दुहेरीच्या अंतिम फेरीत आज प्रार्थना थुंबारे आणि एरियन हार्टोनो यांच्या जोडीचा सामना रशियाच्या अमिना अंशबा आणि एलेना प्रिडांकिना या जोडीशी होणार आहे. प्रार्थना आणि अरियाना या भारत-डच जोडीनं सलग दुसऱ्यांदा अंतिम फेरीत प्रवेश केला आहे. महिला एकेरीच्या काल झालेल्या उपांत्य फेरीच्या सामन्यात भारताच्या माया राजेश्वरनचं आव्हान मात्र संपुष्टात आलं.

January 1, 2025 2:26 PM January 1, 2025 2:26 PM

रशियामध्ये पर्यटन कर लागू

रशियामध्ये आजपासून पर्यटन कर लागू करण्यात आला आहे. अधिकृत रशियन वृत्तवाहिनीने दिलेल्या माहितीनुसार हॉटेल्स किंवा निवासस्थानांकडून आकारल्या जाणाऱ्या शुल्कावर आजपासून पर्यटकांना एक टक्का पर्यटन कर द्यावा लागणार आहे. जुलै २०२४ मध्ये रशियन टॅक्स कोड मधल्या सुधारणांनुसार ही करआकारणी सुरु झाली आहे. या सुधारणांनुसार वर्ष २०२७ पासून या करात वाढ होऊन तो तीन टक्के होईल.

December 22, 2024 7:49 PM December 22, 2024 7:49 PM

रशियाच्या कामचटका द्विपकल्पातून बेपत्ता झालेलं एन २ विमान सापडलं

रशियाच्या कामचटका द्विपकल्पातून बेपत्ता झालेलं एन २ विमान आज पहाटे माऊंट टुंड्रॉवाया इथं सापडलं. विमानातल्या तीनही व्यक्तींना कामचटका बचाव पथकानं हेलिकॉप्टरच्या सहाय्यानं सुखरूप बाहेर काढलं. आरोग्य तपासणीसाठी त्यांना मिकोवस्याया इथल्या इस्पितळात दाखल केल्याची माहिती स्थानिक अधिकाऱ्यांनी दिली आहे.

December 17, 2024 6:55 PM December 17, 2024 6:55 PM

रशियाच्या अणुसंरक्षण दलाचे प्रमुख इगोर किरिलोव्ह यांचा स्फोटात मृत्यू

रशियाची राजधानी मॉस्को इथे आज एका इलेक्ट्रिक स्कूटरमध्ये लपवून ठेवलेल्या बॉम्बचा स्फोट झाल्याने रशियाच्या अणुसंरक्षण दलाचे प्रमुख इगोर किरिलोव्ह यांचा मृत्यू झाला. त्यांच्यासह त्यांच्या सहाय्यकाचाही यात मृत्यू झाला आहे. ही दुर्घटना क्रेमलिनच्या आग्नेय दिशेला असलेल्या एका रस्त्यावर घडली. किरिलोव्ह यांनी एप्रिल २०१७मध्ये दलाचं नेतृत्व स्वीकारलं होतं. या हल्ल्याची जबाबदारी यूक्रेनच्या सुरक्षा दलांनी स्वीकारली आहे.

Social Media Links