सिंधुदुर्ग जिल्ह्यातल्या कुडाळ इथं २७ व्या बाबा वर्दम स्मृती नाट्य महोत्सवाला काल रात्री सुरुवात झाली. ज्येष्ठ अभिनेते प्रसाद पंडित यांच्या हस्ते या महोत्सवाचं उदघाटन झालं. नाट्यकर्मी बाबा वर्दम यांच्या जन्मदिनानिमित्तानं दरवर्षी या नाट्यमहोत्सवाचं आयोजन करण्यात येतं. सात ते तेरा  जानेवारी दरम्यान होणाऱ्या या नाट्य महोत्सवात राज्यासह गोवा, मध्यप्रदेश आदी राज्यांमधली निवडक सात नाटकं सादर होणार आहेत.