राज्याचे क्रीडा मंत्री माणिकराव कोकाटे यांच्याविरुद्ध अटक वॉरंट जारी झालं आहे, अशी माहिती याचिकाकर्त्यांचे वकील आशुतोष राठोड यांनी आज प्रसारमाध्यमांना दिली. त्यामुळं त्यांचा राजीनामा घ्यावा अशी मागणी राठोड यांनी केली. दरम्यान, मंत्रीमंडळ बैठकीनंतर उपमुख्यमंत्री अजित पवार यांनी मुख्यमंत्री देवेंद्र फडनवीस यांची मुंबई वर्षा निवासस्थानी भेट घेतल्याची माहिती राष्ट्रवादी काँग्रेसचे आमदार अमोल मिटकरी यांनी दिली. याप्रकरणी कोकाटे यांचा राजीनामा घ्यायचा किंवा नाही हे अजित पवार ठरवतील, असंही मिटकरी यांनी स्पष्ट केलं.
मुख्यमंत्री स्वेच्छाधिकार योजनेच्या दहा टक्के राखीव कोट्यातून मिळवलेल्या चार सदनिकांच्या घोटाळ्याप्रकरणी माजी मंत्री तुकाराम दिघोळे यांनी तक्रार दाखल केली होती. त्यानुसार कोकाटे, आणि त्यांचे बंधू विजय कोकाटे यांना नाशिक जिल्हा आणि सत्र न्यायालयानं काल दोषी ठरवलं होतं.
