महाविकास आघाडीत आता अवघ्या काही जागांबाबत सहमती व्हायची आहे. उर्वरित जागांवर सहमती झाल्याचं काँग्रेस आणि शिवसेना उद्धव बाळासाहेब ठाकरे पक्षानं म्हटलंय. उर्वरित जागांविषयी चर्चा करण्यासाठी दुपारी साडे ३ वाजता पुन्हा बैठक होणार असल्याचं काँग्रेस नेते बाळासाहेब थोरात यांनी मुंबईत वार्ताहरांना सांगितलं. माजी मुख्यमंत्री उद्धव ठाकरे यांची भेट घेतल्यावर ते बोलत होते. काँग्रेसची पहिली यादी लवकरच जाहीर होईल, असंही ते म्हणाले.
शिवसेना उद्धव बाळासाहेब ठाकरे पक्षाची पहिली यादी आज अंतिम होईल, अशी माहिती खासदार अनिल देसाई यांनी यावेळी दिली. दरम्यान उद्धव ठाकरे यांनी आज राजापूर मतदारसंघासाठी एबी फॉर्म दिल्याची माहिती विद्यमान आमदार राजन साळवी यांनी दिली.
