खेलो इंडिया युवा क्रीडा स्पर्धेत, आज महाराष्ट्राची एकूण पदक संख्या १४२ झाली आहे. सध्या ५४ सुवर्ण, ४४ रौप्य आणि ४४ कांस्य पदकं मिळवून महाराष्ट्र पदक तालिकेत अव्वल स्थानावर कायम आहे. ३० सुवर्ण आणि २३ रौप्य पदकांसह ९६ पदकं मिळवून हरयाणा दुसऱ्या तर राजस्थान ५२ पदकांसह तिसऱ्या स्थानावर आहे. कर्नाटकाकडेही ५२ पदकं असली तरी सुवर्ण पदकांची संख्या कमी असल्याने त्याला चौथ्या स्थानावर समाधान मानावं लागलं आहे. खेलो इंडिया स्पर्धेचा आज ११वा दिवस असून उद्या समारोप होईल.