इस्राइलनं आज गाझा पट्टीतल्या अनेक भागात तोफगोळे आणि हवाई हल्ले केले. १० ऑक्टोबरला झालेल्या शस्त्रसंधीचं हे उल्लंघन असल्याचं गाझातल्या प्रशासनानं म्हटलं आहे. अमेरिकेचे अध्यक्ष डोनाल्ड ट्रम्प यांनी कालच इस्राइलचे प्रधानमंत्री बेंजामिन नेत्यानू यांची भेट घेऊन शस्त्रसंधीच्या पुढच्या टप्प्याची चर्चा केली होती. यावेळी नेत्यानू यांनी इस्राइलचा पहिला शांतता पुरस्कार ट्रम्प यांना जाहीर झाल्याची घोषणा केली होती.