दिल्लीसह हिमाचल प्रदेश, उत्तराखंड, पंजाब, हरियाणा आणि चंदीगड इथं  येत्या  ४ जूनपर्यंत वादळी  वाऱ्यांसह हलक्या स्वरूपाचा  पाऊस पडण्याची शक्यता असल्याचं भारतीय हवामान विभागानं म्हटलं आहे. आसाम, मेघालय, नागालँड, मणिपूर, मिझोरम आणि त्रिपुराच्या काही ठिकाणी  उद्या मुसळधार ते अतिमुसळधार पाऊस पडेल, असा अंदाज हवामान विभागाने वर्तवला आहे. तसंच येत्या ४ जूनपर्यंत केरळ, माहे, कर्नाटक आणि आंध्र प्रदेशात वादळ, विजांच्या  कडकडाटसह  वारे वाहण्याची शक्यता असल्याचं हवामान विभागानं म्हटलं आहे.