आसाम आणि मेघालयमध्ये तुरळक ठिकाणी आज जोरदार पावसाची शक्यता आहे. ईशान्येकडच्या इतर राज्यांमधे, तसंच केरळ, माहे कर्नाटकचा किनारी भाग आणि पश्चिम बंगाल मधला हिमालयीन प्रदेश इथं येत्या ७ दिवसात मध्यम स्वरुपाचा पाऊस पडेल. आंध्र प्रदेशचा किनारी भाग, रायलसीमा, कर्नाटकाचा आतला भाग, मध्यप्रदेश, विदर्भ आणि छत्तीसगडमधे उद्यापर्यंत सोसाट्याचे वारे, मेघगर्जना आणि विजांच्या कडकडाटासह पावसाची शक्यता आहे. तमिळनाडू, पुद्दुचेरी आणि कराईकलमधे आज वातावरण उष्ण आणि दमट राहील.