भारतीय न्याय संहितेतल्या कायद्यांसंदर्भात जनजागृती करण्यासाठी धाराशिवच्या जिल्हा पोलीस अधिक्षक कार्यालयाच्या नवीन इमारतीत ध्वनीचित्र प्रदर्शन आयोजित करण्यात आलं आहे. केंद्रसरकारच्या माहिती आणि प्रसारण मंत्रालयाच्या क्षेत्रीय प्रचार कार्यालय आणि धाराशिव जिल्हा पोलीस अधीक्षक कार्यालय यांनी संयुक्तपणे आयोजित केलेलं हे प्रदर्शन दोन दिवस चालणार आहे. नागरिक, कायदेतज्ञ तसंच सामान्यांनी प्रदर्शनाला भेट देऊन नवीन कायद्यांची माहिती जाणून घ्यावी असं आवाहन क्षेत्रीय प्रचार अधिकाऱ्यांनी केलं आहे.
