पश्चिम बंगालमधे मतदारयाद्यांच्या सखोल पुनरीक्षण कामाच्या वेळी आपल्यावर हल्ला झाल्याचा निवडणूक निरीक्षक सी. मुरूगन यांनी आरोप केल्या प्रकरणी, पश्चिम बंगालचे पोलीस महासंचालक राजीव कुमार यांनी आज संध्याकाळी ५ वाजेपर्यंत विस्तृत कारवाई अहवाल सादर करावा, असे निर्देश निवडणूक आयोगानं दिले आहेत. ३० डिसेंबर रोजी २४ परगणा जिल्ह्यात निरीक्षक म्हणून काम करताना आपल्यावर हल्ला झाल्याचा मुरुगन यांचा आरोप आहे. या प्रकरणी मुरूगन यांना पुरेशी सुरक्षा व्यवस्था पुरवण्यात न आल्याचं आढळल्याचं निरीक्षण आयोगाने नोंदवलं आहे.
