भारत आणि अमेरिकेदरम्यान आयात शुल्कासंदर्भातली बोलणी चांगल्या पातळीवर सुरु असून लवकरच व्यापार करार यशस्वी होईल, अशी आशा अमेरिकेचे राष्ट्राध्यक्ष डोनाल्ड ट्रंप यांनी व्यक्त केली आहे. ते काल मिशिगनमध्ये वार्ताहरांसी बोलत होते. या आठवड्याच्या सुरुवातीला, भारत अमेरिकेसोबत व्यापार करार करणाऱ्या पहिल्या देशांपैकी एक असू शकतो, अशी आशा अमेरिकेचे वित्त मंत्री स्कॉट बेसेंट यांनी व्यक्त केली.