मुख्यमंत्री देवेंद्र फडणवीस यांच्या अध्यक्षतेखाली आज विकसित महाराष्ट्र २०४७ सल्लागार समितीची बैठक झाली. या बैठकीत विकसित महाराष्ट्र २०४७ मसुद्याला मान्यता दिली गेली. आता हा मसुदा मान्यतेसाठी मंत्रिमंडळासमोर ठेवला जाणार आहे.  या मसुद्याअंतर्गत २०२९, २०३५ आणि २०४७ पर्यंत अशा तीन टप्प्यात विकसित महाराष्ट्राचं ध्येय गाठण्यासाठीचा मार्गदर्शक आराखडा मांडला आहे. 

प्रधानमंत्री नरेंद्र मोदी यांनी २०४७  विकसित भारताचा मांडलेला संकल्प साकार करण्यासाठी हा मसुदा उपयुक्त ठरेल असा विश्वास मुख्यमंत्र्यांनी यावेळी व्यक्त केला. या मसुद्यामुळं महाराष्ट्र इतर राज्यांसोबतच जगासोबत स्पर्धा करण्यासाठी सक्षम होईल असंही ते म्हणाले.

या मसुद्याच्या अनुषंगानं यापुढे मंजुरी आणि कार्यवाहीकरता सर्व संबंधित यंत्रणा आणि विभागांनी कृत्रिम बुद्धिमत्ता तंत्रज्ञानाचा अवलंब करण्याची सूचनाही त्यांनी केली. 

या मसुद्याच्या निर्मितीसाठी नागरिकांनी दिलेल्या सूचनांबद्दलही मुख्यमंत्र्यांनी आभार व्यक्त केले.