दिल्ली उत्पादन शुल्क धोरणाशी संबंधित मनी लॉन्ड्रिंग प्रकरणात दिल्ली विशेष न्यायालयानं आज दिल्लीचे मुख्यमंत्री अरविंद केजरीवाल यांच्या न्यायालयीन कोठडीत ३ जुलैपर्यंत वाढ केली आहे. न्यायालयीन कोठडीची मुदत संपल्यानंतर त्यांना तिहार तुरुंगातून दूरदृश्य प्रणालीच्या माध्यमातून न्यायालयात हजर करण्यात आलं. अरविंद केजरीवाल यांना २१ मार्च रोजी अंमलबजावणी संचालनालयानं अटक केली होती. या प्रकरणात माजी मंत्री मनीष सिसोदिया यांच्यासह एकूण ३८ आरोपी आहेत.