उत्तर-पश्चिम बंगालच्या उपसागरात तयार झालेलं दितवा चक्रीवादळ तमिळनाडू, पुद्दुचेरी आणि आंध्र प्रदेशच्या किनारपट्टी भागांकडे सरकत आहे. यामुळे देशाच्या पूर्व किनारपट्टी भागात १ डिसेंबरपर्यंत मुसळधार पावसाचा अंदाज हवामान विभागाने व्यक्त केला आहे. बंगालच्या उपसागराच्या आग्नेय भागांमध्ये, मनार आणि कन्याकुमारी भागात सोमवारपर्यंत मच्छीमारांनी समुद्रात जाणं टाळावं असा सल्ला देण्यात आला आहे. दक्षिणेकडील किनारी भागांमध्ये काही ठिकाणी पावसाची शक्यता आहे. तमिळनाडूच्या उत्तरेकडील भागांत पुढील तीन दिवसांत जोरदार पाऊस पडण्याचा अंदाज व्यक्त करण्यात आला आहे.
श्रीलंकेत या वादळामुळे आलेल्या पुरात आणि अतिवृष्टीत किमान ५६ जणांचा मृत्यू झाला तर २१ जण अद्याप बेपत्ता आहेत. सुमारे ४४ हजार लोकसंख्येला वादळाचा फटका बसला आहे.
