नीरा देवधर प्रकल्पाच्या दुसऱ्या टप्प्याच्या लोकार्पणासह फलटण इथल्या विविध विकास कामांचं भूमिपूजन आणि लोकार्पण मुख्यमंत्री देवेंद्र फडनवीस यांच्या हस्ते आज झालं. या प्रकल्पामुळे फलटण आणि माळशिरसला पाणी मिळणार असून हरित माणदेश निर्माण करणं हे सरकारचं उद्दिष्ट आहे, असं प्रतिपादन फडनवीस यांनी यावेळी केलं. माळशिरस तालुक्यातल्या बावीस गावांना पाणी पोहोचवलं जाईल, दुष्काळी भागाला पाणी पोहोचवणं हे सरकारचं ध्येय आहे, असं त्यांनी सांगितलं. विरोधकांच्या कार्यकाळात या प्रकल्पाचं काम अडवण्यात आलं होतं, त्यामुळे इतकी वर्षं हा भाग दुष्काळी राहिला अशी टीका त्यांनी केली.
यावेळी मुख्यमंत्र्यांनी डॉक्टर संपदा मुंडे यांच्या आत्महत्येबद्दल दुःख व्यक्त केलं, तसंच त्यांच्या आत्महत्येला जबाबदार असणाऱ्यांना शिक्षा होईल असं आश्वासन दिलं. या प्रकरणात काही जणांनी राजकारण करत माजी खासदार रणजीत नाईक निंबाळकर आणि आमदार सचिन पाटील यांचं नाव गोवण्याचा प्रयत्न केला, मात्र असं असतं तर आपण या कार्यक्रमाला आलो नसतो असं सांगत मुख्यमंत्र्यांनी निंबाळकर आणि कांबळे यांच्यावरचे आरोप फेटाळून लावले.
