सिंधुदुर्ग जिल्ह्याच्या किनारपट्टीवर सीगल पक्ष्यांचं आगमन झालं आहे. दरवर्षी थंडीचा हंगाम सुरु झाल्यावर युरोपातून हजारो किलोमीटरचा प्रवास करून २ ते ३ महिने हे पक्षी मुक्कामी येतात. मालवण दांडी, देवबाग, भोगवे आदी समुद्रकिनारे या पक्षांच्या वावरामुळे गजबजून गेले आहेत. ही पर्यटकांसाठी एक पर्वणी आहे. समुद्रकिनाऱ्यावर मिळणारे मासे, किडे, शिंपल्यातले जीव हे या पक्ष्यांचे खाद्य असून हे पक्षी थव्याने उडत राहून किनारा बदलत राहतात किंवा पाण्यात बसून राहतात.