स्वित्झर्लंडमध्ये दावोस इथं उद्यापासून जागतिक आर्थिक मंचाची परिषद सुरु होत असून, त्यासाठी कडक सुरक्षा व्यवस्था तैनात करण्यात आली आहे.  २३ जानेवारीपर्यंत चालणाऱ्या या परिषदेत ३ हजारापेक्षा जास्त जागतिक नेते सहभागी होणार आहेत. त्यासाठी ५ हजारापेक्षा जास्त सुरक्षा रक्षक, स्नायपर्स, एआय-चालित ड्रोन, हवाई क्षेत्रावर निर्बंध आणि हेरगिरीविरोधी यंत्रणा तैनात करण्यात आली आहे. ‘अ स्पिरिट ऑफ डायलॉग’ ही यंदाच्या जागतिक आर्थिक मंचाच्या परिषदेची संकल्पना आहे.