ملک میں، پچھلے 10 سال میں سیوا، Sushasan اور غریب کلیان کے اصولوں کی بدولت نمایاں کایا پلٹ ہوئی ہے۔ آکاشوانی نیوز مختلف اہم شعبوں میں گزشتہ 11 سال میں، سرکار کی کوششوں کے تعلق سے ایک خصوصی فیچر پیش کر رہا ہے۔  آج کا موضوع ہے: ”ثقافتی وراثت کو محفوظ رکھنا، بھارت کی تہذیبی شان کو پھر سے فعال بنانے کی اہمیت“۔

پیش ہے ایک رپورٹ۔                                   V/C Vishnu

پچھلے 11 سال میں، بھارت کا ثقافتی سفر ایک رنگولی کی طرح آگے بڑھا ہے۔ Hampi کے مندروں سے لے کر کلاسکی موسیقی اور رقص کی روایات تک، سرکار نے دونوں طرح کی وراثت کو نئی توانائی بخشی ہے۔ ایودھیا میں رام مندر تاریخی امنگ کی تکمیل کرتے ہوئے عقیدے اور قومی اتحاد کی ایک علامت کے طور پر کھڑا ہے۔ وارانسی میں کاشی وشوناتھ دھام کوریڈور پروجیکٹ نے دریائے گنگا کے ساتھ کاشی وشوناتھ مندر کو سیدھے جوڑ کر یاتریوں کو ایک نئے تجربے کا احساس کرایا ہے۔ اُجّین میں، مہا کلیشور مندر میں یاتریوں کو عالمی درجے کی سہولیات اور روحانی ماحول فراہم کرنے کے لیے مہاکال لوک پروجیکٹ کا آغاز کیا گیا۔

 ہمالیائی سلسلے میں، کیدارناتھ اور بدری ناتھ دھام کی  تزئین کاری سے بنیادی ڈھانچے اور اِن پوَتر مقامات پر درشن کے لیے آنے والے یاتریوں کی سیفٹی کو بھی مستحکم بنایا گیا۔ سودیش درشن اسکیم کے ذریعے سفر سے متعلق بنیادی ڈھانچے کو مزید بڑھاوا ملا اور چنندہ سرکٹوں میں 76 پروجیکٹوں کے لیے 5 ہزار کروڑ روپے سے زیادہ منظور کیے گئے۔ اس کے علاوہ سِکھ گرودواروں، بودھ وِہار، جین مندروں، صوفی درگاہوں اور قبائلی پوَتر مقامات کی بحالی کے ساتھ جامع ثقافتی فروغ کو بھی اس میں شامل کیا گیا ہے۔ 350 سے زیادہ مورتیوں اور نوادرات کو دیگر ملکوں سے بھارت میں واپس لا کر انمول وراثت کو بحال کرنے کا کام بھی کیا گیا ہے۔