جموں وکشمیر میں نائب وزیر اعلیٰ سریندر چودھری نے آج لگاتار دوسرے دن راجوری ضلعے کے نوشیرا سب ڈویژن میں سرحدی علاقوں کا دورہ کیا۔ اس دورے کا مقصد زمینی صورتحال کا جائزہ لینا، متاثرہ کنبوں کے ساتھ بات کرنا اور برسر موقع عوامی شکایات کا ازالہ کرنا تھا۔ اپنے دورے کے دوران نائب وزیر اعلیٰ نے تباہ گھروں کا معائنہ کیا اور گولہ باری سے متاثر کنبوں سے ملاقات کی۔ انہوں نے انہیں یقین دلایا کہ حکومت ان کی حفاظت اور بہبود کے تئیں مکمل طور پر عہد بستہ ہے۔