آج IPL کرکٹ ٹورنامنٹ میں دو میچ کھیلے جائیں گے۔ پہلا میچ آج لکھنؤ میں سہ پہر ساڑھے تین بجے لکھنؤ سُپر جائنٹس اور گجرات ٹائٹنس کے ساتھ کھیلا جائے گا اور دوسرے میچ میں شام ساڑھے سات بجے حیدرآباد میں پنجاب کنگس اور سن رائزرس حیدرآباد آمنے سامنے ہوں گے۔حیدرآباد اب تک محض ایک میچ جیت پایا ہے اور وہ اِس وقت سب سے نچلے مقام پر ہے۔ پنجاب کنگس چھ پوائنٹس کے ساتھ پانچویں مقام پر ہے۔ کل رات چنئی میں کھیلے گئے میچ میں کولکاتہ نائٹ رائڈرس نے چنئی سُپر کنگس کو 8 وکٹ سے ہرایا۔ جیت کے لیے مقررہ 104 رن کے ہدف کو کولکاتہ نائٹ رائڈرس نے صرف 10 اوورس اور ایک گیند میں حاصل کر لیا۔ پہلے بلّے بازی کرتے ہوئے CSK نے مقررہ 20 اوورس میں 9 وکٹ پر 103 رن بنائے تھے۔ کولکاتہ کی طرف سے سنیل نارائن نے 18 گیند میں 44 رن بنائے اور تین وکٹ بھی حاصل کیے لہٰذا انہیں میچ کا بہترین کھلاڑی قرار دیا گیا۔