اسرائیل اور حماس نے غزہ جنگ بندی معاہدے کے پانچویں مرحلے کے تحت تازہ تعطل کو حل کرنے سے اتفاق کیا ہے۔ مصر کی حکومت کے میڈیا آفس کی جانب سے جاری ایک بیان کے مطابق اسرائیل اور حماس کے درمیان اتفاقِ رائے ہوگیا ہے، جس کے تحت اغواء کئے گئے آخری چار افراد کی لاشیں اسرائیل کے سپرد کی جائیں گی اور اُس کے بدلے 620 فلسطینی قیدی اور زیرِ حراست افراد رہا کئے جائیں گے، جنہیں پچھلے سنیچر کو رہا کیا جانا تھا۔ اسرائیل نے اِس سلسلے میں احتجاج کی صورت میں اُن کی رہائی کو موخر کیا تھا، جو اُس کے بقول حماس کی جانب سے، اُن کی رہائی کے دوران اغواء کئے گئے افراد کے ساتھ ظالمانہ سلوک کیا گیا اور اُس نے مطالبہ کیا کہ اِس بات کی ضمانت دی جائے کہ مستقبل میں مغویہ افراد کی رہائی شرمندہ کرنے والی تقریبات منعقد کئے بغیر عمل میں آئے گی۔
حماس نے کہا کہ یہ معاہدے کی ایک سنجیدہ خلاف ورزی تھی۔ اسرائیل اور حماس کے درمیان 42 دن کی جنگ بندی کے معاہدے کو، اگر توسیع نہ دی گئی، تو اس ہفتے کے آخر میں معاہدے کی مدت ختم ہوجائے گی۔ x