ثقافت کی وزارت نے سوتھبی ہانگ کانگ کے مقدس Piprahwa بدھ آثار کی نیلامی کو کامیابی کے ساتھ ملتوی کرادیا ہے، جو کل ہونے والی تھی۔ Piprahwa کے آثار کی کی کھدائی William Claxton Peppe نے 1898 میں  کی تھی۔ بھگوان بدھ کے یہ آثار ہڈیوں پر مشتمل ہیں۔ اِس کے علاوہ یہ آثار پتھر کے صابن اور کرسٹل کے ساتھ تاریخی بدھ کے ٹکڑے، تابوت، ایک ریت کے پتھر کا خزانہ اور نذرانے جیسے سونے کے زیورات اور جواہرات پر مشتمل ہیں۔ ایک تابوت پر براہمی رسم الخط میں ایک تحریر اس بات کی تصدیق کرتی ہے کہ یہ آثار بھگوان بدھ سے تعلق رکھتے ہیں۔ یہ تمام اشیا Sakya قبیلے کے ذریعے جمع کی گئی تھیں۔

ان آثار میں سے زیادہ تر کو 1899 میں کولکاتہ میں بھارتی عجائب گھر میں منتقل کیا گیا تھا اور بھارتی قانون کے تحت اِن کی درجہ بندی ‘AA’ نوادرات کے طور پر درجہ بندی کی گئی ہے۔ قانون، ان نوادرات کو ہٹانے یا فروخت کرنے سے منع کرتا ہے۔

ثقافت کی وزارت کے سکریٹری کی قیادت میں ایک اعلیٰ سطحی وفد نے منگل کو سوتھبی کے نمائندوں سے بات چیت کی تھی۔ وفد نے اس بات پر روشنی ڈالی کہ یہ آثار عام نمونے نہیں ہیں بلکہ یہ دنیا بھر کے لاکھوں بدھ مت کے ماننے والوں کے لیے مقدس اور اہمیت کے حامل ہیں۔ وزارت ثقافت، بھارتی محکمہئ آثارِ قدیمہ اور وزارت خارجہ کے ساتھ ملکر، اب تمام متعلقہ فریقوں کو ان آثار کی بھارت واپسی پر بات چیت کو آگے بڑھانے کے لیے کام کرے گی۔ x`