جنتا دل یونائیٹڈ کے سربراہ نتیش کمار آج دسویں مرتبہ بہار کے وزیر اعلیٰ کے طور پر حلف لیں گے۔ حلف برداری کی تقریب پٹنہ کے تاریخی گاندھی میدان میں دن میں ساڑھے گیارہ بجے منعقد ہوگی۔ وزیر اعظم نریندر مودی اور دیگر معززین اس تقریب میں شامل ہوں گے۔ JDU کے سربراہ نتیش کمار کو کل قومی جمہوری اتحاد NDA لیجسلیچر پارٹی کا رہنما منتخب کیا گیا تھا۔ یہ فیصلہ پٹنہ میں NDA میں شامل 5 پارٹیوں کے نئے منتخب ارکانِ اسمبلی کی مشترکہ میٹنگ کے دوران لیا گیا۔ NDA نے بہار اسمبلی کے حالیہ انتخابات میں زبردست کامیابی حاصل کی ہے اور اُس نے 243 رکنی اسمبلی میں 202 سیٹیں جیت کر اقتدار میں واپسی کی ہے۔

اس سے پہلے دن میں پٹنہ میں BJP کے نئے منتخب ارکانِ اسمبلی کی میٹنگ میں سمراٹ چودھری کو BJP لیجسلیچر پارٹی کا لیڈر، جبکہ وجے کمار سنہا کو نائب لیڈر منتخب کیا گیا۔×