Ditwah طوفان، سری لنکا میں تباہی مچانے کے بعد اب ساحلی تمل ناڈو کی طرف بڑھ رہا ہے۔ فی الحال یہ سری لنکا کے ساحل کے تقریباً 80 کلو میٹر مغرب میں واقع ہے اور یہ 7 کلو میٹر فی گھنٹہ کی رفتار سے شمال مغرب کی طرف اور کرائکل کے تقریباً 220 کلو میٹر جنوب مشرق کی طرف نیز پڈوچیری کے 380 کلو میٹر پر واقع ہے۔
Ditwah طوفان ریاست کے شمالی ساحلوں کی جانب بڑھ رہا ہے اور یہ چنئی کے 430 کلو میٹر جنوب میں موجود ہے۔
قوی امکان ہے کہ یہ، تمل ناڈو کے نزدیک جنوب مغربی خلیجِ بنگال اور جنوبی آندھرا کے ساحلوں پر کل صبح سویرے پہنچ جائے۔
طوفان کے سبب ساحلی علاقوں میں تعلیمی ادارے بند اور امتحانات ملتوی کر دیے گئے ہیں۔ جن ضلعوں میں موسلا دھار بارش ہو رہی ہے، اُن میں ناگپٹنم، تنجاوو اور تِرو ورور شامل ہیں۔ ساحلوں پر نچلے علاقوں میں رہنے والے لوگوں کو محفوظ مقامات پر پہنچایا گیا ہے اور انہیں خوراک اور شیلٹر فراہم کیے گئے ہیں۔ ضلع کلکٹروں کو ہدایت دی گئی ہے کہ وہ پانی کی سطحوں اور آبی ذخائر پر نظر رکھیں۔ یہ حکام طوفان کے سبب سمندر کے پانی میں طغیانی پر نظر رکھیں۔ خراب موسم کے سبب عوام سے کہا گیا ہے کہ وہ اپنے گھروں میں ہی رہیں۔ NDRF کی ٹیموں تیار کیا گیا ہے کہ وہ صورتحال پیدا ہوتے ہی روانہ ہو جائے۔ چنئی میں، پروازوں میں رکاوٹ آگئی ہے۔
