شہری ہوابازی کے ڈائریکٹوریٹ جنرل DGCA نے، انڈیگو کو ہدایت دی ہے کہ وہ 2025 کے موسمِ سرما کی پروازوں میں، سبھی سیکٹروں میں 10 فیصد کمی کرے۔ ڈائریکٹوریٹ نے پروازوں میں بڑے پیمانے پر ہوئی رکاوٹ اور منظور شدہ اوقات میں کام کاج جاری رکھنے کی، ایئر لائن کی نااہلی کا ذکر کیا۔

ایئر لائن کے نگراں ادارے نے ایک نوٹس میں کہا کہ انڈیگو کو اِس سال نومبر میں 64 ہزار 346 پروازوں کی منظوری دی گئی تھی۔ لیکن اُس نے محض 59 ہزار 438 پروازیں کیں اور 951 پروازیں منسوخ ہوئیں۔

اگرچہ اِس سیزن کیلئے 403 طیاروں کے ساتھ پروازوں میں 6 فیصد اضافے کی منظوری دی گئی تھی، لیکن انڈیگو نے نومبر میں محض 340 طیاروں کا استعمال کیا۔

DGCA نے انڈیگو سے کہا ہے کہ وہ آج شام 5 بجے تک ایک نظرثانی شدہ فہرست داخل کرے۔×