BJP کے قومی صدر اور صحت و خاندانی بہبود کے مرکزی وزیر جگت پرکاش نڈّا آج ہماچل پردیش کی راجدھانی شملہ میں BJP کے نئے ریاستی ہیڈ کوارٹرس میں بھومی پوجن میں حصہ لیں گے اور سنگ بنیاد رکھیں گے۔ جناب نڈا ہماچل پردیش کے دو روزہ دورے پر کَل شام شملہ پہنچے۔x

BJP  کے قومی صدر اور مرکزی وزیر جناب جگت پرساد نڈّا کی ہماچل پردیش میں آمد کے موقع پر BJP کی ریاستی اکائی آج شملہ میں ایک تہنیتی پروگرام کا انعقاد کرے گی۔  اِس موقع پر جناب نڈّا ایک جلسے سے خطاب کریں گے۔ وہ ریاست میں کانگریس کی سرکار کی کارکردگی اور 2027 کے اسمبلی انتخابات کی تیاریوں کے بارے میں بات چیت کیلئے پارٹی کے سینئر لیڈروں کے ساتھ شملہ میں ایک میٹنگ بھی کریں گے۔ ریاستی BJP صدر راجیو بِندل نے کہا کہ بہار میں NDA اور BJP کی زبردست کامیابی کے بعد جناب نڈّا کا ہماچل پردیش کا یہ پہلا دورہ ہے اور اس لیے ہزاروں پارٹی ورکر انھیں ایک شاندار استقبالیہ دیں گے۔ انھوں نے مزید کہا کہ پارٹی کارکنوں کے درمیان ریاست میں جناب نڈّا کے دورے کے سلسلے میں زبردست جوش و خروش ہے۔x