53 واں کتاب میلہ، نئی دلّی ورلڈ بُک فیئر 2026 قومی راجدھانی کے بھارت منڈپم میں آج سے شروع ہو رہا ہے۔ اس کتاب میلے میں بھارت اور دنیا بھر سے پبلشرز، مصنفین، کتابوں کے شائقین اور ثقافت سے جڑی اہم شخصیات کو یکجا ہونے کا موقع فراہم ہوتا ہے۔

اِس 9 روزہ کتاب میلے میں 35 سے زیادہ ممالک کے ایک ہزار سے زیادہ پبلیشرز شرکت کر رہے ہیں۔ تعلیم کے مرکزی وزیر دھرمیندر پردھان میلے کا افتتاح کریں گے۔ اس سال کا موضوع ہے ”بھارتی فوج کی تاریخ: شجاعت اور فراصت @75“ موضوعاتی پویلین میں فوجی تاریخ سے متعلق 500 سے زیادہ کتابیں پیش کی گئی ہیں۔ اس کے علاوہ بڑی تعداد میں انگلش، ہندی اور دیگر بھارتی زبانوں کی وسیع موضوعات پر کتابیں یہاں دستیاب ہیں، جو ہر عمر اور ہر شعبے کا احاطہ کرتی ہیں۔

اس سال کی اہم پیشکش، راشٹریہ ای پستکالیہ ہے جو ایک ڈیجیٹل لائبریری ہے، جس میں 6 ہزار سے زیادہ مفت ای کتابیں قابل رسائی ہیں۔

میلے میں مصنف سے رابطہ، Yuva کارنر، بچوں کیلئے ادب کا خصوصی گوشہ اور دیگر ثقافتی سرگرمیاں پیش کی جائیں گی۔