یوکرین کے صدر ولودومیر زیلنسکی آج فلوریڈا میں امریکی صدر ڈونلڈ ٹرمپ سے ملاقات کریں گے۔ یہ ملاقات روس اور یوکرین کے درمیان بڑھتی ہوئی کشیدگی اور امریکہ کی جانب سے خطے میں امن لانے کی کوششوں کے تناظر میں ہورہی ہے۔

دونوں رہنما، 20 نکاتی امن منصوبے اور امکانی امریکی سلامتی ضمانتوں پر بات چیت کریں گے۔ جناب زیلنسکی نے بتایا کہ اُن کی انتظامیہ یوکرین کی خوشحالی کیلئے واشنگٹن کے ساتھ ایک طویل مدتی منصوبے پر کام کررہی ہے۔ جناب زیلنسکی نے فلوریڈا پہنچنے سے قبل کَل کینیڈا میں وہاں کے وزیراعظم Mark Carney کے ساتھ Hali Fax کے مقام پر ملاقات کی تھی۔ اس ملاقات کے دوران، جناب کارنی نے یوکرین کیلئے نئی معاشی امداد کے طور پر ایک اَرب 82 کروڑ امریکی ڈالر دینے کا اعلان کیا۔ دوسری جانب روس کے صدر ولادیمیرپوتن نے کیف پر ایک پُرامن سمجھوتے کے تعلق سے سنجیدہ نہ ہونے کا الزام عائد کیا۔ انہوں نے کہا کہ اگر یوکرین تنازع کو مذاکرات کے ذریعے حل کرنے کیلئے تیار نہیں ہے، تو اس صورت میں روس اپنے مقاصد کے حصول کیلئے طاقت کا استعمال کرنا جاری رکھے گا۔×