یوکرین کے صدر ولادیمیر زیلنسکی اور امریکہ کے صدر ڈونلڈ ٹرمپ نے پوپ فرانسس کی آخری رسومات کی ادائیگی سے قبل سینٹ پیٹرس Basilica میں ملاقات کی۔ وہائٹ ہائوس نے 15 منٹ کی اِس ملاقات کو انتہائی سودمند قرار دیا۔ بعد میں صدر زیلنسکی نے اِسے انتہائی علامتی کہا اور یہ کہ اِس میٹنگ کے متعلق امکانات ہیں کہ یہ تاریخی میٹنگ قرار پائے گی۔ یہ میٹنگ امریکی صدر ٹرمپ کے اِس بیان کے ایک دن بعد ہوئی ہے جس میں انھوں نے کہا تھا کہ روس اور یوکرین جلد ہی کسی معاہدے پر پہنچنے والے ہیں۔