یورپی کمیشن کی صدر Ursula von der Leyen بھارت کے سرکاری دورے پر آج سہ پہر نئی دلّی پہنچیں۔ ایک سوشل میڈیا پوسٹ پر وزارتِ خارجہ کے ترجمان رندھیر جیسوال نے کہا کہ ان کے اِس دورے کے دوران بھارت اور یورپی یونین کے درمیان اسٹریٹجک شراکت داری کے اگلے مرحلے کا جائزہ لیا جائے گا۔ انہوں نے مزید کہا کہ بھارت اور یورپی یونین کے درمیان شراکت داری باہمی اعتماد اور مشترکہ اقدار پر مبنی ہے۔ وہ پیر کے روز یومِ جمہوریہ کی تقریبات میں یورپی کونسل کے صدر Antonio Luis Santos da Costa کے ہمراہ بطور مہمانِ خصوصی شریک ہوں گی۔ دونوں رہنما اِس مہینے کی 27 تاریخ کو ہونے والی 16ویں بھارت-یورپی یونین سربراہ کانفرنس کی مشترکہ صدارت بھی کریں گے۔