یوروپی پارلیمنٹ کی بین الاقوامی تجارت سے متعلق کمیٹی کے ایک وفد نے آج نئی دلّی میں وزیر خارجہ ڈاکٹر ایس جے شنکر سے ملاقات کی۔ ایک سوشل میڈیا پوسٹ پر ڈاکٹر جے شنکر نے کہا کہ طرفین نے اِس بات پر تبادلہئ خیال کیا کہ بھارت اور یوروپی یونین کس طرح باہمی تال میل اور اشتراک و تعاون کو مزید وسعت دے سکتے ہیں۔ انہوں نے کہا کہ اِس سے عالمی معیشت کو استحکام حاصل ہوگا اور جمہوری قوتوں کو مضبوطی فراہم ہوگی۔ وزیر خارجہ نے کہا کہ بھارت اور یوروپی یونین کے درمیان آزادانہ تجارت سے متعلق معاہدے کے جلدی مکمل ہوجانے سے مذکورہ مقاصد کا حصول ممکن ہوگا۔