نریندر مودی حکومت کے ذریعے مختلف شعبوں میں GST کی شرحوں میں کٹوتی کئے جانے کے اعلان کے ساتھ ہی 22 ستمبر سے GST بچت اُتسو شروع ہوا، جس سے ملک کے سبھی شہریوں کو فائدہ پہنچ رہاہے۔ ہمارے نامہ نگار ایک رپورٹ پیش کررہے ہیں کہ اگلے سلسلے کی GST اصلاحات سے کس طرح آٹو موبائل سیکٹر کو فروغ حاصل ہورہا ہے۔

اگلے سلسلے کی GST اصلاحات سے بھارت کے آٹو موبائل سیکٹر کو نمایاں فروغ حاصل ہو رہا ہے۔ اس سے شہریوں کیلئے گاڑیاں مزید سستی ہو گئی ہیں۔ 350-CC سے کم انجن والی دو پہیہ گاڑیوں پر GST کی شرح 28 فیصد سے کم کر کے 18 فیصد کر دی گئی ہے۔ اسی طرح 1200-CC تک کی پیٹرول کاروں اور 1500-CC تک کی ڈیزل کاروں پر بھی اب 18 فیصد ٹیکس لاگو ہے۔ 1800-CC سے کم انجن والی ٹریکٹروں پر اب 5 فیصد GST لاگو ہے۔ نئے ٹیکس ڈھانچے کے تحت بسوں، ٹرک، تین پہیہ گاڑیوں اور گاڑیوں کے کَل پرزے کو بھی 18 فیصد کے ٹیکس زمرے میں رکھا گیا ہے، جس سے ٹرانسپورٹ اور گاڑیوں کی مرمت کے اخراجات مزید کم ہو گئے ہیں۔

یہ نئی اصلاحات نہ صرف گاڑیوں کی قیمتیں کم کر رہی ہیں بلکہ مانگ میں اضافہ کر کے آٹو موبائل سیکٹر میں ترقی کے نئے مواقع فراہم کر رہی ہیں۔