گوا پولیس نے نائٹ کلب میں لگی آگ کے معاملے میں 4 لوگوں کو گرفتار کیا گیا ہے۔ اِن میں Arpora نائٹ کلب کا جنرل منیجر اور عملے کے تین ارکان شامل ہیں۔ کلب میں لگی زبردست آگ میں 25 لوگوں کی موت ہو گئی تھی اور 6 زخمی ہو گئے تھے۔ پولیس نے نائٹ کلب کے مالکوں، منیجر اور تقریب کا انعقاد کرنے والوں کے خلاف شکایت درج کرنے کے بعد یہ کارروائی کی ہے۔

Arpora-Naoa پنچایت کے سرپنچ کو بھی سال 2013 میں نائٹ کلب کا تجارتی لائسنس جاری کرنے کیلئے حراست میں لیا گیا ہے۔

اس دوران اخباری کانفرنس سے خطاب کرتے ہوئے گوا کے وزیر اعلیٰ پرمود ساونت نے قصورواروں کے خلاف سخت کارروائی کے عزم کا اظہار کیا ہے۔

وزیر اعلیٰ نے مرنے والوں کے لواحقین کیلئے فی کس 5 لاکھ روپے اور زخمیوں کے ورثا کیلئے فی کس 50 ہزار روپے کی معاشی مدد کا اعلان کیا ہے۔ اس سے پہلے وزیر اعظم نریندر مودی بھی، وزیر اعظم کے قومی راحت فنڈ سے فوت ہونے والوں کیلئے 2 لاکھ روپے اور زخمیوں کیلئے 50 ہزار روپے کی امداد کا اعلان کر چکے ہیں۔

اس سے پہلے جناب ساونت نائٹ کلب میں آگ لگنے کے واقعے میں عدالتی جانچ کا حکم جاری کر چکے ہیں۔ یہ کمیٹی ضلع مجسٹریٹ اور پولیس اور فائر محکمے کے دیگر افسران پر مشتمل ہوگی۔ کمیٹی سے آگ کی وجہ بننے والے کام کاج کے دوران ہوئی لاپرواہی کا پتہ لگانے کو کہا گیا ہے۔ کمیٹی سے یہ بھی کہا گیا ہے کہ وہ ایک ہفتے کے اندر اپنی رپورٹ پیش کرے۔×