گجرات میں یوگ کے 11 ویں بین الاقوامی دن کے موقع پر ریاستی سطح کی تقریب وَڑنگر میں Sharmishtha جھیل پر منعقد کی جا رہی ہے، جو وزیر اعظم نریندر مودی کا آبائی وطن ہے۔ اس تقریب کا موضوع ہے ”ایک کرہئ ارض ایک صحت کے لیے یوگ“، جس کی قیادت وزیر اعلیٰ بھوپیندر پٹیل کر رہے ہیں۔
صحت کے وزیر رُشی کیش پٹیل، کھیل کود کے ریاستی وزیر ہرش سانگھوی اور بہت سی دیگر شخصیتیں اس تقریب میں حصہ لے رہی ہیں۔ مرکزی وزیر داخلہ امت شاہ، احمد آباد میں منعقدہ ایک یوگ پروگرام میں حصہ لے رہے ہیں۔
ریاستی سرکار نے، یوگ کے ریاستی بورڈ اور کھیل کود، نوجوانوں اور ثقافتی امور کے محکمے کے ساتھ مل کر 60 ہزار سے زیادہ جگہوں پر یوگ کے اجلاس کا منصوبہ بنایا ہے، جس میں ڈیڑھ کروڑ سے زیادہ لوگ حصہ لے رہے ہیں۔ ریاست کا مقصد یہ بھی ہے کہ وڑنگر میں منعقدہ اس تقریب میں Bhujangasan میں نیا Guinness ورلڈ ریکارڈ قائم کیا جائے۔ وڑنگر میں یوگ پروگرام سے خطاب کرتے ہوئے وزیر اعلیٰ بھوپیندر پٹیل نے گجرات کے لوگوں سے کہا ہے کہ وہ اس ریاست سے موٹاپا پوری طرح ختم کر دیں۔ پوری ریاست میں یوگ کلچر اور یوگ ڈے میں زیادہ سے زیادہ شرکت کو فروغ دینے کے لیے یوگ کے مشترکہ اجلاس سبھی ضلعوں میں منعقد کیے گئے۔ یہ اجلاس 15 سے 20 جون کے درمیان منعقد کیے گئے۔
سماج کی بالکل نچلی سطح پر یوگ میں شرکت کو یقینی بنانے کے لیے پولیس محکمے نے یوگ سے متعلق ریلیوں اور اجلاس منعقد کیے، جبکہ گرام سبھا میں دیہی علاقوں میں یوگ کے بارے میں بیداری کو فروغ دیا۔
بہار میں، یوگ کے 11 ویں بین الاقوامی دن کے موقع پر ریاست کی راجدھانی پٹنہ اور پوری ریاست میں زبردست جوش و خروش پایا جا رہا ہے۔ اصل سرکاری تقریب صحت اور آیوش محکمے نے پٹنہ کے کنکرباغ میں پاٹلی پُتر اسپورٹس کامپلیکس میں منعقد کی۔ نائب وزراء اعلیٰ سمراٹ چودھری اور وِجے کمار سنہا نے اس تقریب میں شرکت کی۔ اس موقع پر نائب وزیر اعلیٰ جناب چودھری نے روزمرہ کی زندگی میں یوگ کی اہمیت کو اُجاگر کیا اور اپیل کی کہ صحتمند زندگی کے لیے یوگ کو اپنایا جائے۔ پوری ریاست میں موسلا دھار بارش کی وجہ سے یوگ کی سرگرمیوں اور تقریبات کو زیادہ تر، اندر کی جگہوں میں منعقد کیا گیا۔ ایک خصوصی تقریب مُنگیر میں بہار اسکول آف یوگ میں منعقد کی گئی۔
پنجاب میں، متعلقہ ضلع انتظامیہ، مختلف ضلعوں میں یوگ کے بین الاقوامی دن کی تقریبات منا رہی ہے، جس میں بڑی تعداد میں لوگ حصہ لے رہے ہیں۔ سرحدی حفاظتی فورس BSF نے پنجاب میں، اپنی سبھی شاخوں اور صدر دفتر میں یوگ کا اہتمام کیا۔ ایک خصوصی تقریب امرتسر میں اٹاری کے مقام پر مشترکہ چیک پوسٹ JCP میں منعقد کی گئی۔x
