کیلاش-مانسرور یاتریوں کے چوتھے جتھے کو اتراکھنڈ کے  پتھورا گڑھ ضلع کے Dharchula بنیادی پڑاؤ پر روک دیا گیا ہے۔ حکام نے انہیں خراب موسم کے باعث اونچائی پر واقع راستے پر بھاری پتھروں اور ملبے کے گرنے کے سبب سڑک بند ہونے کی وجہ سے روکا ہے۔

یاتریوں کا یہ جتھہ ملک کے مختلف حصوں سے تعلق رکھنے والے 48 افراد پر مشتمل ہے، جن میں 14 خواتین بھی  شامل ہیں۔ اب یہ تمام یاتری Dharchula میں ہی قیام کریں گے۔ وہ کل Gunji پہنچنے والے تھے اور وہاں 2 دن آرام کرنے کے بعد انہیں Lipulekh پاس کے ذریعے   کیلاش مانسرور کی جانب روانہ ہونا تھا۔

وزارت خارجہ کے زیرِ اہتمام کیلاش مانسرور یاترا جون میں شروع ہوئی تھی اور یہ اگست میں اختتام پذیر ہوگی۔  مرکزی حکومت نے اتراکھنڈ کے راستے پانچ جتھے کو Lipulekh پاس عبور کرنے کی اجازت دی ہے۔ ہر جتھے میں 50 یاتری ہیں۔ اسی طرح حکومت نے سکم کے راستے 10 جتھے کو Nathu La کے راستے مانسرور تک پہنچنے کی اجازت  دی ہے۔ ہر جتھہ 50 یاتریوں پر مشتمل ہے۔×