70 رکنی دلّی اسمبلی انتخابات کی کل ہونے والی ووٹنگ کو خوش اسلوبی سے منعقد کرانے کیلئے سبھی تیاریاں کرلی گئی ہیں۔ پولنگ، جو کَل صبح سات بجے شروع ہوگی، شام چھ بجے تک جاری رہے گی۔

ایک کروڑ 56 لاکھ سے زیادہ ووٹرس 699  امیدواروں کی قسمت کا فیصلہ کریں گے۔ اس سے پہلے چناؤ مہم کَل شام ختم ہوگئی۔ ووٹوں کی گنتی ہفتے کے روز ہوگی۔

انتخابی کمیشن نے دلّی اسمبلی انتخابات کیلئے ایک لاکھ 80 ہزار سے زیادہ حفاظتی اہلکاروں کو تعینات کیا ہے۔

دلّی میٹرو ووٹنگ والے دن اور اُس دن، جس دن گنتی ہوگی، عملے کی آسانی کیلئے اپنی خدمات سبھی لائنوں پر صبح چار بجے شروع کرے گی۔ صبح چھ بجے تک سبھی لائنوں پر 30 منٹ کے فاصلے سے ٹرین چلیں گی، جس کے بعد یہ خدمات اپنے مقررہ فاصلے سے چلائی جائیں گی۔ x