کلکتہ ہائی کورٹ نے بھارت – بنگلہ دیش سرحد پر باڑھ لگانے کے معاملے پر مغربی بنگال سرکار سے حلف نامہ طلب کیا ہے۔ عدالت میں مفادِ عامہ کی ایک عذر داری داخل کی گئی تھی، جس میں بنگلہ دیش سرحد سے متصل کھلے سرحدی علاقوں میں خاردار تار لگائے جانے کی مانگ کی گئی ہے۔

مغربی بنگال میں بھارت کی تقریباً دو ہزار 216 کلومیٹر کی سرحد بنگلہ دیش سے متصل ہے۔ کئی علاقوں میں کوئی باڑھ نہیں ہے، جہاں سے دراندازی اور اسمگلنگ ہونے کی اطلاعات سامنے آئی ہیں۔

بھارت کی مغربی بنگال میں بنگہ دیش کے ساتھ تقریباً 2ہزار 216 کلو میٹر کی سرحد لگتی ہے۔

مرکزی حکومت کے ایڈیشنل Solicitor جنرل اشوک چکرورتی نے عدالت کو بتایا کہ مغربی بنگال حکومت، اِس معاملے پر مرکز کے ساتھ تعاون نہیں کررہی ہے اور خاردار تار لگانے کے کام کیلئے زمین حاصل کرنے کے بارے میں سنجیدہ نہیں ہے۔